12 верасня, Мінск /Кар. БЕЛТА/. Кіраўнік беларускай дзяржавы Аляксандр Лукашэнка адзначае, што на фоне палітыкі закрыцця граніц, якую праводзяць шэраг краін, Беларусь, наадварот, дэманструе адкрытасць для іншаземцаў. Аб гэтым ён заявіў у час размовы з мінчанамі, перадае карэспандэнт БЕЛТА.
"Вы нармальна павінны ўспрымаць іншаземцаў. Мы ўвялі бязвіз для ўсіх. Для нас там закрываюць усё, а мы ім: "Прыязджайце, глядзіце!" Ну, нагрузка невялікая міліцыі, спецслужбам, але гэта іх праца, грошы ж яны за гэта атрымліваюць. Але сюды ж прыязджаюць не бедныя людзі. Яны прывозяць сюды грошы", - сказаў кіраўнік дзяржавы.
Аляксандр Лукашэнка адзначыў, што Беларусь таксама стала папулярным напрамкам для расіян, якія прыязджаюць за цішынёй. "Яны хочуць прыехаць, тут спакойна адпачыць. Але, самае галоўнае, паехала і сярэдзіна грамадства, расійскага асабліва. Звычайныя людзі - такія, як мы. Яны прыязджаюць сюды. Ужо з нас бяруць прыклад, як трэба жыць і развівацца", - сказаў ён.-0-
Падпісвайцеся на нас у
