30 ліпеня, Мінск /Кар. БЕЛТА/. Пры адборы кандыдатаў у акадэмікі і члены-карэспандэнты НАН неабходна ўстанавіць дакладныя крытэрыі. Аб гэтым Прэзідэнт Беларусі Аляксандр Лукашэнка заявіў 30 ліпеня на сустрэчы з рабочай групай па аналізе дзейнасці Нацыянальнай акадэміі навук Беларусі, перадае карэспандэнт БЕЛТА.
Цяпер ідзе працэс выбараў членаў Акадэміі навук. Прэзідэнт падкрэсліў, што краевугольным каменем крытэрыяў іх адбору з'яўляецца значнасць навуковых распрацовак для дзяржавы. Таксама важна наяўнасць уласнай школы, якая прыцягвае ў навуку моладзь. "Калі няма прадаўжальнікаў ідэй, няма пераемнасці - тады і вучонага няма", - заўважыў Аляксандр Лукашэнка.
"Цалкам падтрымліваю прапановы саміх вучоных аб тым, што неабходна ўстанавіць дакладныя крытэрыі адбору кандыдатаў у акадэмікі і члены-карэспандэнты. Ніякіх кумаўства і кругавой парукі, чым часта грашыць наша сфера", - сказаў кіраўнік дзяржавы.
Затым, паводле яго слоў, адбудуцца выбары ў адпаведнасці з абноўленымі статутам НАН Беларусі і палажэннем аб выбарах. "Узмацняючы пул акадэмікаў і членаў-карэспандэнтаў, трэба зыходзіць з таго, ці дастатковы іх рэальны ўклад у айчынную эканоміку. Ці стаяць нашы вучоныя ў авангардзе вырашэння стратэгічных эканамічных і сацыяльных задач?" - арыентаваў Прэзідэнт.-0-
Падпісвайцеся на нас у
