Фота з архіва
7 кастрычніка, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў супрацоўнікаў і ветэранаў упраўлення ўнутраных спраў Гродзенскага аблвыканкама з 80-годдзем з дня яго ўтварэння. Аб гэтым БЕЛТА паведамілі ў прэс-службе беларускага лідара.
Кіраўнік дзяржавы нагадаў, што першыя старонкі прафесійнай гісторыі ўпраўлення напісаны ў кастрычніку 1944 года, калі пасля вызвалення Беларусі ад нямецка-фашысцкіх захопнікаў была ўтворана Гродзенская вобласць. "Забеспячэнне правапарадку на яе змучанай гітлераўцамі тэрыторыі з'яўлялася жыццёвай неабходнасцю", - адзначыў беларускі лідар.
Немалы груз адказнасці лёг тады на плечы першых кіраўнікоў абласнога апарату міліцыі, якія, паводле слоў Прэзідэнта, укладвалі ў сваю службу ўсю душу і ўменне, знаходзілі і вучылі новых супрацоўнікаў, здольных эфектыўна змагацца з пасляваенным крыміналам, а таксама стваралі падраздзяленні для дапамогі мірнаму насельніцтву.
"Супрацоўнікі гродзенскай міліцыі з гонарам вытрымалі ўсе выпрабаванні, якія выпалі на долю беларускага народа ў пасляваенны перыяд: разруху, бандытызм, бясчынствы ўзброеных антысавецкіх бандфарміраванняў. З годнасцю выканалі інтэрнацыянальны абавязак у Афганістане, удзельнічалі ў ліквідацыі наступстваў аварыі на ЧАЭС, а пасля развалу СССР усімі сіламі процістаялі разгулу арганізаванай злачыннасці ў першыя гады станаўлення незалежнай Беларусі", - гаворыцца ў віншаванні.
Цяпер міліцыя Гродзенскай вобласці ідзе ў нагу з часам, а яе супрацоўнікі паказваюць асабісты прыклад беззапаветнай адданасці Айчыне, канстатаваў Аляксандр Лукашэнка.
"Перакананы, што і ў далейшым, абапіраючыся на слаўныя традыцыі, закладзеныя ветэранамі, высокі ўзровень прафесійнай і ідэалагічнай падрыхтоўкі, вы будзеце дастойна выхоўваць новае пакаленне, каб яно гэтак жа, як і вы, берагло мір і спакой, да якіх прывыклі нашы грамадзяне і заўсёды захапляюцца замежныя госці", - падкрэсліў Прэзідэнт.
Кіраўнік дзяржавы пажадаў супрацоўнікам і ветэранам УУС Гродзенскага аблвыканкама моцнага здароўя і новых поспехаў у службе, а іх родным і блізкім - цярпення, шчасця і дабрабыту.-0-
Кіраўнік дзяржавы нагадаў, што першыя старонкі прафесійнай гісторыі ўпраўлення напісаны ў кастрычніку 1944 года, калі пасля вызвалення Беларусі ад нямецка-фашысцкіх захопнікаў была ўтворана Гродзенская вобласць. "Забеспячэнне правапарадку на яе змучанай гітлераўцамі тэрыторыі з'яўлялася жыццёвай неабходнасцю", - адзначыў беларускі лідар.
Немалы груз адказнасці лёг тады на плечы першых кіраўнікоў абласнога апарату міліцыі, якія, паводле слоў Прэзідэнта, укладвалі ў сваю службу ўсю душу і ўменне, знаходзілі і вучылі новых супрацоўнікаў, здольных эфектыўна змагацца з пасляваенным крыміналам, а таксама стваралі падраздзяленні для дапамогі мірнаму насельніцтву.
"Супрацоўнікі гродзенскай міліцыі з гонарам вытрымалі ўсе выпрабаванні, якія выпалі на долю беларускага народа ў пасляваенны перыяд: разруху, бандытызм, бясчынствы ўзброеных антысавецкіх бандфарміраванняў. З годнасцю выканалі інтэрнацыянальны абавязак у Афганістане, удзельнічалі ў ліквідацыі наступстваў аварыі на ЧАЭС, а пасля развалу СССР усімі сіламі процістаялі разгулу арганізаванай злачыннасці ў першыя гады станаўлення незалежнай Беларусі", - гаворыцца ў віншаванні.
Цяпер міліцыя Гродзенскай вобласці ідзе ў нагу з часам, а яе супрацоўнікі паказваюць асабісты прыклад беззапаветнай адданасці Айчыне, канстатаваў Аляксандр Лукашэнка.
"Перакананы, што і ў далейшым, абапіраючыся на слаўныя традыцыі, закладзеныя ветэранамі, высокі ўзровень прафесійнай і ідэалагічнай падрыхтоўкі, вы будзеце дастойна выхоўваць новае пакаленне, каб яно гэтак жа, як і вы, берагло мір і спакой, да якіх прывыклі нашы грамадзяне і заўсёды захапляюцца замежныя госці", - падкрэсліў Прэзідэнт.
Кіраўнік дзяржавы пажадаў супрацоўнікам і ветэранам УУС Гродзенскага аблвыканкама моцнага здароўя і новых поспехаў у службе, а іх родным і блізкім - цярпення, шчасця і дабрабыту.-0-
Падпісвайцеся на нас у
