Лукашэнка павіншаваў супрацоўнікаў цэнтра МУС па падрыхтоўцы і перападрыхтоўцы кадраў з 70-годдзем установы

1 верасня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў кіраўніцтва, асабовы склад, ветэранаў Цэнтра падрыхтоўкі, павышэння кваліфікацыі і перападрыхтоўкі кадраў Міністэрства ўнутраных спраў з 70-годдзем з дня ўтварэння ўстановы. Аб гэтым БЕЛТА паведамілі ў прэс-службе кіраўніка дзяржавы.

"Створаны як вучэбны пункт кіравання міліцыі МУС БССР сёння цэнтр з'яўляецца важнейшым элементам у сістэме спецыяльнай падрыхтоўкі кадраў для органаў унутраных спраў і іншых дзяржаўных органаў сістэмы забеспячэння нацыянальнай бяспекі. Упэўнены, што добрая матэрыяльна-тэхнічная база, патэнцыял, вопыт і веды супрацоўнікаў Цэнтра і ў далейшым дадуць магчымасць вам, ідучы ў нагу з часам, рыхтаваць спецыялістаў, здольных вырашаць самыя складаныя задачы па процідзеянні злачыннасці, забеспячэнні правапарадку і бяспекі грамадзян, сапраўдных патрыётаў нашай Радзімы", - гаворыцца ў віншаванні.

Асобныя словы ўдзячнасці Аляксандр Лукашэнка адрасаваў ветэранам навучальнай установы. "Вашы стойкасць духу, адданасць справе, адказнасць з'яўляюцца прыкладам і жыццёвым арыенцірам для выкладчыкаў і курсантаў", - падкрэсліў Прэзідэнт.

Кіраўнік дзяржавы пажадаў усім моцнага здароўя, міру, дабрабыту і новых здзяйсненняў на карысць роднай Беларусі.-0-