17 кастрычніка, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў калектыў і ветэранаў упраўлення Камітэта дзяржаўнай бяспекі па Гродзенскай вобласці з 80-й гадавінай з дня яго ўтварэння. Аб гэтым БЕЛТА паведамілі ў прэс-службе беларускага лідара.
Кіраўнік дзяржавы адзначыў, што гісторыю гэтага ўпраўлення стваралі мужныя і смелыя людзі, якія сталі на барацьбу з пасляваенным злачынным светам. "Гродзенскія чэкісты самааддана і гераічна змагаліся з узброенымі бандамі, што арудавалі на тэрыторыі вобласці, паспяхова ліквідавалі агентаў нямецкіх спецслужбаў, здраднікаў і памагатых акупантаў, - гаворыцца ў віншаванні. - Мы шануем памяць усіх, хто стаяў ля вытокаў фарміравання ўпраўлення, хто на працягу дзесяцігоддзяў умацоўваў імідж магутнай структуры нацыянальнай бяспекі прыкладамі асабістай доблесці і адвагі".
Прэзідэнт падзякаваў ветэранам, якія сумленна і дастойна выканалі свой абавязак, і адзначыў, што ганарыцца выбарам кожнага, хто прадаўжае слаўныя чэкісцкія традыцыі ў цяперашні час, у складаны перыяд глабальных пагроз беларускай дзяржаўнасці, дэманструючы найвышэйшы прафесіяналізм і адданасць Айчыне ва ўмовах рэальнай аператыўнай абстаноўкі.
"Перакананы, што, адказваючы на выклікі часу, які выбраў вас, вы зробіце ўсё, каб захаваць галоўныя дасягненні сучаснай Беларусі - мір, бяспеку, суверэнітэт", - падкрэсліў Аляксандр Лукашэнка.
Кіраўнік дзяржавы пажадаў калектыву і ветэранам упраўлення КДБ па Гродзенскай вобласці моцнага здароўя і надзейнага тылу: "Няхай вашы новыя перамогі і здзяйсненні заўсёды спалучаюцца з сямейным дабрабытам і асабістым шчасцем!"-0-
Падпісвайцеся на нас у
