Фота БЧ
9 ліпеня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў калектыў, выхаванцаў і выпускнікоў Дзіцячай чыгункі імя К.С. Заслонава з 70-годдзем з дня яе ўтварэння. Аб гэтым БЕЛТА паведамілі ў прэс-службе беларускага лідара.
"Дзіцячая чыгунка з яе прыгожым міні-вакзалам, сапраўдным рухомым саставам, юнымі паязнымі брыгадамі і займальнымі экскурсіямі - гэта не проста зменшаная копія Беларускай чыгункі, а адзін з турыстычных брэндаў краіны, папулярны ў мінчан і гасцей нашай сталіцы. Тут працуе ўнікальны цэнтр прафесійнай падрыхтоўкі і дадатковай адукацыі дзяцей. Дзякуючы працы вялікай каманды вопытных настаўнікаў дзеці не толькі спасцігаюць азы чыгуначных прафесій, але і выхоўваюцца ў духу любові да Радзімы, павагі да яе гісторыі і культуры", - гаворыцца ў віншаванні.
Кіраўнік дзяржавы адзначыў, што за сем дзесяцігоддзяў на Дзіцячай чыгунцы прайшлі навучанне больш за 14 тыс. юнакоў і дзяўчат, многія з іх звязалі свой лёс з беларускай стальной магістраллю.
"Упэўнены, слаўныя традыцыі, закладзеныя некалькімі пакаленнямі выхаванцаў і работнікаў Дзіцячай чыгункі, будуць толькі мацнець і развівацца", - падкрэсліў Прэзідэнт.-0-
Падпісвайцеся на нас у
