17 кастрычніка, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў калектыў Беларускага дзяржаўнага аграрнага тэхнічнага ўніверсітэта з 70-годдзем з дня заснавання ВНУ. Аб гэтым БЕЛТА паведамілі ў прэс-службе кіраўніка дзяржавы.
"За сем дзесяцігоддзяў у яго сценах атрымалі адукацыю і пуцёўку ў жыццё больш за 65 тыс. спецыялістаў, якія паспяхова працуюць у розных галінах народнай гаспадаркі, перш за ўсё ў сферы механізацыі аграпрамысловага сектара, - гаворыцца ў віншаванні. - Пастаяннае ўдасканаленне сельскагаспадарчай тэхнікі і ўмелае кіраванне тэхналагічнымі працэсамі садзейнічаюць росту аб'ёмаў вытворчасці прадуктаў харчавання і выручкі ад экспарту айчыннай прадукцыі. У гэтым і ваша заслуга".
Кіраўнік дзяржавы падзякаваў прафесарска-выкладчыцкаму складу ВНУ за любоў да сваёй справы, пошук новых методык і форм навучання, навуковыя даследаванні, вынікамі якіх педагогі шчодра дзеляцца з моладдзю, садзейнічанне ва ўкараненні інавацый на прадпрыемствах.
"Перакананы, што і ў далейшым вашы прафесіяналізм і імкненне ставіць самыя амбіцыйныя мэты дапамогуць універсітэту заставацца флагманам аграрна-тэхнічнай адукацыі ў краіне", - падкрэсліў Аляксандр Лукашэнка.
Прэзідэнт пажадаў калектыву БДАТУ моцнага здароўя, невычэрпнай творчай энергіі і далейшых поспехаў на карысць Беларусі.-0-
Падпісвайцеся на нас у
