4 кастрычніка, Пінскі раён /Кар. БЕЛТА/. Прэзідэнт Беларусі Аляксандр Лукашэнка 4 кастрычніка ў час рабочай паездкі ў Брэсцкую вобласць наведаў Парахонскую сярэднюю школу Пінскага раёна, перадае карэспандэнт БЕЛТА.
Пасля прыбыцця да школы кіраўнік дзяржавы і службовыя асобы, якія яго суправаджалі, усклалі кветкі да памятнага знака "Смутак і Мужнасць". Ён быў устаноўлены на цэнтральнай плошчы аграгарадка па ініцыятыве мясцовых жыхароў да 70-годдзя Перамогі ў гонар абаронцаў і вызваліцеляў Парахонска. Скульптуру з гранітнага каменю, якая ўяўляе сабой тужлівыя твары маці і салдата, вырабіў пінскі скульптар Сяргей Жылевіч.
Дырэктар Парахонскай сярэдняй школы Мікалай Калесніковіч далажыў Аляксандру Лукашэнку аб арганізацыі вучэбна-выхаваўчага працэсу і рэалізацыі адукацыйнай праграмы прафесійнай падрыхтоўкі кадраў для арганізацый АПК.
Школа была адкрыта ў 1977 годзе. Дзякуючы праграме адраджэння і развіцця вёскі ў 2010 годзе яна набыла сучасны выгляд. Ва ўстанове навучаюцца 356 дзяцей, школа ў поўным аб'ёме ўкамплектавана педагагічнымі кадрамі.
"Скажы мне, калі ласка. Я "балею" ў школе адной праблемай: вось вышэйшая і першая кваліфікацыйная катэгорыя, ёсць другая. Гэта катэгарыйнасць, якая ў нас у школах уведзена, адлюстроўвае рэальную карціну? Гэта значыць нам не трэба нічога перарабляць?" - пацікавіўся Аляксандр Лукашэнка меркаваннем дырэктара школы.
"Я думаю, што не варта", - адказаў Мікалай Калесніковіч.
Кіраўнік дзяржавы прызнаўся, што пакуль не ведае, ці патрэбны тут якія-небудзь пераўтварэнні, таму цікавіцца меркаваннем спецыялістаў. "Нам трэба сур'ёзна падумаць над гэтым пытаннем", - дадаў ён.
Прэзідэнт азнаёміўся з арганізацыяй адукацыйнага працэсу і матэрыяльна-тэхнічнай базай школы, паразмаўляў з педагогамі і навучэнцамі. Ад імя кіраўніка дзяржавы ўстанове быў перададзены спартыўны інвентар і абсталяванне для гімнастыкі, лёгкай атлетыкі, зімовых відаў спорту, спартыўных і рухомых гульняў.
Для павышэння прэстыжу сельскагаспадарчых прафесій у моладзі з 2024/25 навучальнага года ў школе функцыянуе профільная група аграрнай накіраванасці. Факультатыўны занятак "Уводзіны ў аграрныя прафесіі" праводзіцца на базе гаспадаркі "Парахонскае". Таксама заключаны дагавор аб супрацоўніцтве з Беларускім дзяржаўным аграрным тэхнічным універсітэтам.
З 2009 года на базе школы вядзецца падрыхтоўка вадзіцеляў колавых трактароў, самаходных машын катэгорыі "С". Арганізавана прафесійнае навучанне для вучняў X-XI класаў пяці школ раёна па прафесіі "трактарыст-машыніст сельскагаспадарчай вытворчасці". Тэорыю праходзяць у школе, а практычнае вывучэнне сельскагаспадарчай тэхнікі арганізавана на базе ААТ "Парахонскае". Навыкі кіравання колавымі трактарамі навучэнцы набываюць на трактарадроме гаспадаркі.
За 15 гадоў 343 выпускнікі атрымалі пасведчанні аб падрыхтоўцы вадзіцеляў механічных транспартных сродкаў, самаходных машын. З іх 225 - гэта выпускнікі Парахонскай сярэдняй школы. Цяпер з гэтых выпускнікоў у мясцовай гаспадарцы працуе 81 работнік да 33 гадоў, у тым ліку 23 трактарысты і 13 вадзіцеляў.-0-
Пасля прыбыцця да школы кіраўнік дзяржавы і службовыя асобы, якія яго суправаджалі, усклалі кветкі да памятнага знака "Смутак і Мужнасць". Ён быў устаноўлены на цэнтральнай плошчы аграгарадка па ініцыятыве мясцовых жыхароў да 70-годдзя Перамогі ў гонар абаронцаў і вызваліцеляў Парахонска. Скульптуру з гранітнага каменю, якая ўяўляе сабой тужлівыя твары маці і салдата, вырабіў пінскі скульптар Сяргей Жылевіч.
Дырэктар Парахонскай сярэдняй школы Мікалай Калесніковіч далажыў Аляксандру Лукашэнку аб арганізацыі вучэбна-выхаваўчага працэсу і рэалізацыі адукацыйнай праграмы прафесійнай падрыхтоўкі кадраў для арганізацый АПК.
Школа была адкрыта ў 1977 годзе. Дзякуючы праграме адраджэння і развіцця вёскі ў 2010 годзе яна набыла сучасны выгляд. Ва ўстанове навучаюцца 356 дзяцей, школа ў поўным аб'ёме ўкамплектавана педагагічнымі кадрамі.
"Скажы мне, калі ласка. Я "балею" ў школе адной праблемай: вось вышэйшая і першая кваліфікацыйная катэгорыя, ёсць другая. Гэта катэгарыйнасць, якая ў нас у школах уведзена, адлюстроўвае рэальную карціну? Гэта значыць нам не трэба нічога перарабляць?" - пацікавіўся Аляксандр Лукашэнка меркаваннем дырэктара школы.
"Я думаю, што не варта", - адказаў Мікалай Калесніковіч.
Кіраўнік дзяржавы прызнаўся, што пакуль не ведае, ці патрэбны тут якія-небудзь пераўтварэнні, таму цікавіцца меркаваннем спецыялістаў. "Нам трэба сур'ёзна падумаць над гэтым пытаннем", - дадаў ён.
Прэзідэнт азнаёміўся з арганізацыяй адукацыйнага працэсу і матэрыяльна-тэхнічнай базай школы, паразмаўляў з педагогамі і навучэнцамі. Ад імя кіраўніка дзяржавы ўстанове быў перададзены спартыўны інвентар і абсталяванне для гімнастыкі, лёгкай атлетыкі, зімовых відаў спорту, спартыўных і рухомых гульняў.
З 2009 года на базе школы вядзецца падрыхтоўка вадзіцеляў колавых трактароў, самаходных машын катэгорыі "С". Арганізавана прафесійнае навучанне для вучняў X-XI класаў пяці школ раёна па прафесіі "трактарыст-машыніст сельскагаспадарчай вытворчасці". Тэорыю праходзяць у школе, а практычнае вывучэнне сельскагаспадарчай тэхнікі арганізавана на базе ААТ "Парахонскае". Навыкі кіравання колавымі трактарамі навучэнцы набываюць на трактарадроме гаспадаркі.
За 15 гадоў 343 выпускнікі атрымалі пасведчанні аб падрыхтоўцы вадзіцеляў механічных транспартных сродкаў, самаходных машын. З іх 225 - гэта выпускнікі Парахонскай сярэдняй школы. Цяпер з гэтых выпускнікоў у мясцовай гаспадарцы працуе 81 работнік да 33 гадоў, у тым ліку 23 трактарысты і 13 вадзіцеляў.-0-
Падпісвайцеся на нас у
