Нгуен Фу Чонг. Фота з архіва
20 ліпеня, Мінск /Кар. БЕЛТА/. Прэзідэнт Беларусі Аляксандр Лукашэнка накіраваў спачуванне Прэзідэнту Сацыялістычнай Рэспублікі В'етнам То Ламу ў сувязі са смерцю Генеральнага сакратара Цэнтральнага камітэта Камуністычнай партыі В'етнама Нгуен Фу Чонга. Аб гэтым БЕЛТА паведамілі ў прэс-службе беларускага лідара.
Кіраўнік дзяржавы адзначыў, што ў Беларусі з вялікім смуткам даведаліся аб заканчэнні жыццёвага шляху Нгуен Фу Чонга. "З асобай гэтага выдатнага палітычнага дзеяча, з якім я асабіста быў знаёмы, непарыўна звязана станаўленне сучаснага В'етнама. У свеце шырока вядомы яго заслугі ў рэфармаванні партыі, умацаванні яе ролі ў грамадстве, абароне правоў і інтарэсаў працоўных", - гаворыцца ў спачуванні.
Аляксандр Лукашэнка падкрэсліў, што Беларусь страціла сапраўднага сябра, які ўнёс значны асабісты ўклад у развіццё беларуска-в'етнамскага супрацоўніцтва, пашырэнне міжпартыйных кантактаў і гуманітарнага ўзаемадзеяння.
Ад імя Рэспублікі Беларусь і сябе асабіста Прэзідэнт выказаў шчырыя спачуванні і словы падтрымкі родным і блізкім таварыша Нгуен Фу Чонга і ўсяму в'етнамскаму народу.-0-
Кіраўнік дзяржавы адзначыў, што ў Беларусі з вялікім смуткам даведаліся аб заканчэнні жыццёвага шляху Нгуен Фу Чонга. "З асобай гэтага выдатнага палітычнага дзеяча, з якім я асабіста быў знаёмы, непарыўна звязана станаўленне сучаснага В'етнама. У свеце шырока вядомы яго заслугі ў рэфармаванні партыі, умацаванні яе ролі ў грамадстве, абароне правоў і інтарэсаў працоўных", - гаворыцца ў спачуванні.
Аляксандр Лукашэнка падкрэсліў, што Беларусь страціла сапраўднага сябра, які ўнёс значны асабісты ўклад у развіццё беларуска-в'етнамскага супрацоўніцтва, пашырэнне міжпартыйных кантактаў і гуманітарнага ўзаемадзеяння.
Ад імя Рэспублікі Беларусь і сябе асабіста Прэзідэнт выказаў шчырыя спачуванні і словы падтрымкі родным і блізкім таварыша Нгуен Фу Чонга і ўсяму в'етнамскаму народу.-0-
Падпісвайцеся на нас у
