24 ліпеня, Мінск /Кар. БЕЛТА/. Прэзідэнт Беларусі Аляксандр Лукашэнка накіраваў спачуванне Прэзідэнту Федэратыўнай Дэмакратычнай Рэспублікі Эфіопія Сахле-Ворк Зеўдэ ў сувязі з вялікай колькасцю ахвяр у выніку сходу апоўзня. Аб гэтым БЕЛТА паведамілі ў прэс-службе кіраўніка дзяржавы.
"У Беларусі з глыбокім смуткам успрынялі паведамленне аб вялікай колькасці ахвяр, зруйнаванні жылля, пашкоджаннях інфраструктуры ў выніку сходу разбуральнага апоўзня ў раёне Гезэ-Гофа. Асабліва балюча, што найбольш пацярпелі сацыяльна слабаабароненыя грамадзяне, сярод якіх жанчыны, дзеці, людзі старэйшага ўзросту", - гаворыцца ў спачуванні.
Ад імя беларускага народа і сябе асабіста Аляксандр Лукашэнка выказаў глыбокія спачуванні родным і блізкім загінулых, пажадаў хутчэйшага выздараўлення ўсім пацярпелым, хуткай ліквідацыі наступстваў стыхійнага бедства і вяртання да звыклага ладу жыцця.-0-
Падпісвайцеся на нас у
