5 чэрвеня, Мінск /Кар. БЕЛТА/. Прэзідэнт Беларусі Аляксандр Лукашэнка накіраваў прывітанне ўдзельнікам і гасцям XXX Міжнароднага форуму па інфармацыйна-камунікацыйных тэхналогіях "ТІБО". Аб гэтым БЕЛТА паведамілі ў прэс-службе беларускага лідара.
"За тры дзесяцігоддзі сваёй работы ён па праву стаў аўтарытэтнай пляцоўкай для дэманстрацыі сусветных трэндаў, абмеркавання тэндэнцый і перспектыў у IT-сферы, садзейнічаючы дынамічнаму руху ў лічбавую будучыню з ахопам практычна ўсіх сфер нашага жыцця", - гаворыцца ў прывітанні.
На "ТІБО" прэзентуюць лепшыя рашэнні і галіновыя навінкі, якія атрымліваюць у далейшым масавае распаўсюджванне, адзначыў Прэзідэнт. Яшчэ адзін ключавы напрамак форуму - дыялог паміж дзяржавай, бізнесам, навукай і грамадствам.
"На фоне існуючай геапалітычнай абстаноўкі асноўная тэматыка цяперашняга мерапрыемства - забеспячэнне кібербяспекі і ўмацаванне тэхналагічнага суверэнітэту, - звярнуў увагу Аляксандр Лукашэнка. - Перакананы, госці і ўдзельнікі па заслугах ацэняць навукова-тэхналагічныя дасягненні беларускіх распрацоўшчыкаў, сфарміруюць новыя дзелавыя сувязі з перспектывай практычнай карысці як для радавога спажыўца, так і для краіны ў цэлым".
Кіраўнік дзяржавы пажадаў удзельнікам і гасцям форуму плённых дыскусій, свежых ідэй і рэалізацыі ўсіх намечаных планаў.-0-
Падпісвайцеся на нас у
