4 кастрычніка, Мінск /Кар. БЕЛТА/. Карове ў Беларусі трэба паставіць помнік як знак высокай ацэнкі ўкладу менавіта гэтай жывёлы ў забеспячэнне людзей прадуктамі харчавання, асабліва ў цяжкія гады. Аб гэтым Прэзідэнт Беларусі Аляксандр Лукашэнка заявіў у ходзе наведвання ААТ "Парахонскае" ў Пінскім раёне, перадае карэспандэнт БЕЛТА.
"Карове трэба паставіць помнік. Дзякуючы карове партызаны выжывалі і дзеткі. Пасля вайны дзякуючы карове мы выжылі. І цяпер яна нас корміць. Карова - гэта святое. Для мяне гэта святое", - сказаў беларускі лідар.
У час наведвання прадпрыемства на вопыце ААТ "Парахонскае" падрабязна абмеркавалі тэму нарыхтоўкі і забеспячэння захаванасці кармоў, што дае магчымасць забяспечваць высокаэфектыўную вытворчасць. Аляксандр Лукашэнка таксама расказаў аб карове ў сваёй падсобнай гаспадарцы, якую яму не так даўно падарылі з Брэсцкай вобласці. У яе былі настолькі высокія надоі, што было вырашана нават скарэкціраваць жывёле рацыён, каб знізіць нагрузку.-0-
Падпісвайцеся на нас у
