17 кастрычніка, Мінск /Кар. БЕЛТА/. Даследаванні беларускіх палярнікаў неабходна прымяняць у рэальным сектары эканомікі. Аб гэтым кіраўнік дзяржавы Аляксандр Лукашэнка заявіў на сустрэчы з вучонымі і ўдзельнікамі беларускіх антарктычных экспедыцый, перадае карэспандэнт БЕЛТА.
"Мы валодаем сур'ёзным навуковым, вытворчым патэнцыялам. Абсталяванне, якое прымяняецца, распрацавана намі для выкарыстання ў экстрэмальных умовах, асобныя ўстаноўкі з'яўляюцца ўнікальнымі і не маюць аналагаў у свеце. Нам трэба навучыцца не толькі іх выкарыстоўваць, але і рэалізоўваць - усё павінна прыносіць грошы. Жыццё такое" , - сказаў Аляксандр Лукашэнка.
Прэзідэнт лічыць, што апрабаваныя ў Антарктыцы тэхналагічныя і канструктарскія рашэнні і матэрыялы было б нядрэнна выкарыстоўваць у розных галінах унутры краіны. Кіраўнік дзяржавы прапанаваў падумаць, як даследаванні беларускіх палярнікаў могуць быць ужо цяпер прыменены ў рэальным сектары эканомікі.
"Гэта будзе садзейнічаць развіццю кампетэнцый і сумежных напрамкаў, стымуляваць высокатэхналагічныя вытворчасці", - падкрэсліў Аляксандр Лукашэнка.-0-
Падпісвайцеся на нас у
