4 ліпеня, Астана /Кар. БЕЛТА/. Беларусь ганарыцца тым, што стала паўнапраўным членам ШАС. Аб гэтым кіраўнік беларускай дзяржавы Аляксандр Лукашэнка заявіў на сустрэчы ў Астане ў фармаце "ШАС плюс", перадае карэспандэнт БЕЛТА.
"Беларусь вельмі ганарыцца тым, што стала паўнапраўным членам ШАС. І мы будзем умацоўваць шанхайскі дух арганізацыі, заснаванай на прынцыпах узаемнай павагі, роўнасці і салідарнасці", - сказаў кіраўнік дзяржавы.
Ён запэўніў, што Беларусь, як еўрапейская краіна, будзе рабіць усё, каб ШАС стала глабальнай арганізацыяй. "Дазвольце запэўніць, што Беларусь будзе нязменна кіравацца гуманнымі прынцыпамі, якія прапаведуюцца ў нашай арганізацыі. Абсалютна не сумнявайцеся, Мінск зойме дастойнае месца сярод прадстаўленых тут сталіц. Нам ёсць што прапанаваць па канкрэтных напрамках узаемадзеяння. У нас за спінай амаль дзесяцігадовы вопыт наглядальніка ў ШАС, устойлівыя палітычныя кантакты і эканамічныя сувязі з усімі членамі Шанхайскай арганізацыі супрацоўніцтва", - заявіў Аляксандр Лукашэнка.
Ён запрасіў усіх да супрацоўніцтва і вымавіў на беларускай мове наступную фразу: "Будзем рады шчыра вітаць вас у гасціннай Беларусі, дарагія сябры!"-0-
