Фота з архіва
17 жніўня, Мінск /Кар. БЕЛТА/. Беларусь нацэлена ўносіць уклад ва ўмацаванне Глабальнай Большасці, актыўна ўдзельнічаючы ў аб'яднальных міжнародных структурах. Аб гэтым Прэзідэнт Беларусі Аляксандр Лукашэнка заявіў у сваім выступленні на трэцім саміце "Голас Глабальнага Поўдня" ў фармаце відэаканферэнцыі, перадае карэспандэнт БЕЛТА.
"Беларусь нацэлена ўносіць уклад ва ўмацаванне Глабальнай Большасці, актыўна ўдзельнічаючы ў міжнародных структурах, якія нас аб'ядноўваюць: у Арганізацыі Аб'яднаных Нацый, Руху недалучэння, Шанхайскай арганізацыі супрацоўніцтва, а таксама БРІКС, партнёрамі якой мы разлічваем стаць у бліжэйшай перспектыве", - сказаў Прэзідэнт.
Аляксандр Лукашэнка канстатаваў, што сусветная сістэма каланіялізму пала больш як паўстагоддзя таму, але гэта не прывяло да рэальнага вызвалення краін так званага трэцяга свету, якія мелі статус калоній. "Дэ-факта ў многім захоўваецца эканамічная і тэхналагічная залежнасць ад былых метраполій. Таму галоўны фронт нашай сённяшняй работы - эканоміка як аснова любога суверэнітэту. І менавіта ў эканамічнай сферы нам ёсць што прапанаваць краінам Глабальнага Поўдня", - заявіў беларускі лідар.
Беларусь яшчэ з часоў СССР актыўна супрацоўнічае з дзяржавамі Азіі, Афрыкі, Лацінскай Амерыкі, пастаянна аказвае гуманітарную дапамогу краінам, якія маюць у гэтым патрэбу, але магчымасці значна шырэйшыя, падкрэсліў Аляксандр Лукашэнка.
"Беларусь - адзін з сусветных лідараў у дасягненні Мэт устойлівага развіцця. Нягледзячы на знешні націск, наша краіна дэманструе высокую ступень стабільнасці і прадаўжае паступальна развівацца, - сказаў Прэзідэнт. - Як рэспубліка з добра развітымі прамысловасцю, сельскай гаспадаркай, навукай, сістэмай адукацыі мы гатовы прапанаваць Глабальнаму Поўдню прадукты харчавання, прамысловую прадукцыю, тэхналогіі, у тым ліку лічбавыя, перадавыя практыкі ў ахове здароўя, уключаючы тэлемедыцыну, паслугі па падрыхтоўцы кадраў і ў іншых сферах".
Кіраўнік дзяржавы адзначыў, што ў Беларусі ўжо ёсць вопыт эфектыўнага садзейнічання прагрэсу шэрага краін Глабальнага Поўдня, іх індустрыялізацыі, павышэнню якасці і ўзроўню жыцця насельніцтва. У якасці прыкладу ён прывёў супрацоўніцтва з Рэспублікай Зімбабвэ, якая з дапамогай Беларусі паспяхова забяспечвае харчовую бяспеку, развівае сістэму аказання медыцынскай дапамогі і аховы мацярынства і дзяцінства.
"Можа, мы далёка ад вас геаграфічна, але заўсёды гатовы быць побач у вырашэнні самых надзённых задач. Упэўнены, разам мы здольны даць дастойны адказ любым выклікам сучаснасці. Як сказаў вялікі Махатма Гандзі: "Калі жадаеш, каб свет змяніўся, - сам стань гэтым змяненнем". Упэўнены, што разам мы можам змяніць гэты свет, а голас Глабальнай Большасці - гэта голас нашай агульнай будучыні", - рэзюмаваў беларускі лідар.-0-
"Беларусь нацэлена ўносіць уклад ва ўмацаванне Глабальнай Большасці, актыўна ўдзельнічаючы ў міжнародных структурах, якія нас аб'ядноўваюць: у Арганізацыі Аб'яднаных Нацый, Руху недалучэння, Шанхайскай арганізацыі супрацоўніцтва, а таксама БРІКС, партнёрамі якой мы разлічваем стаць у бліжэйшай перспектыве", - сказаў Прэзідэнт.
Аляксандр Лукашэнка канстатаваў, што сусветная сістэма каланіялізму пала больш як паўстагоддзя таму, але гэта не прывяло да рэальнага вызвалення краін так званага трэцяга свету, якія мелі статус калоній. "Дэ-факта ў многім захоўваецца эканамічная і тэхналагічная залежнасць ад былых метраполій. Таму галоўны фронт нашай сённяшняй работы - эканоміка як аснова любога суверэнітэту. І менавіта ў эканамічнай сферы нам ёсць што прапанаваць краінам Глабальнага Поўдня", - заявіў беларускі лідар.
Беларусь яшчэ з часоў СССР актыўна супрацоўнічае з дзяржавамі Азіі, Афрыкі, Лацінскай Амерыкі, пастаянна аказвае гуманітарную дапамогу краінам, якія маюць у гэтым патрэбу, але магчымасці значна шырэйшыя, падкрэсліў Аляксандр Лукашэнка.
"Беларусь - адзін з сусветных лідараў у дасягненні Мэт устойлівага развіцця. Нягледзячы на знешні націск, наша краіна дэманструе высокую ступень стабільнасці і прадаўжае паступальна развівацца, - сказаў Прэзідэнт. - Як рэспубліка з добра развітымі прамысловасцю, сельскай гаспадаркай, навукай, сістэмай адукацыі мы гатовы прапанаваць Глабальнаму Поўдню прадукты харчавання, прамысловую прадукцыю, тэхналогіі, у тым ліку лічбавыя, перадавыя практыкі ў ахове здароўя, уключаючы тэлемедыцыну, паслугі па падрыхтоўцы кадраў і ў іншых сферах".
Кіраўнік дзяржавы адзначыў, што ў Беларусі ўжо ёсць вопыт эфектыўнага садзейнічання прагрэсу шэрага краін Глабальнага Поўдня, іх індустрыялізацыі, павышэнню якасці і ўзроўню жыцця насельніцтва. У якасці прыкладу ён прывёў супрацоўніцтва з Рэспублікай Зімбабвэ, якая з дапамогай Беларусі паспяхова забяспечвае харчовую бяспеку, развівае сістэму аказання медыцынскай дапамогі і аховы мацярынства і дзяцінства.
"Можа, мы далёка ад вас геаграфічна, але заўсёды гатовы быць побач у вырашэнні самых надзённых задач. Упэўнены, разам мы здольны даць дастойны адказ любым выклікам сучаснасці. Як сказаў вялікі Махатма Гандзі: "Калі жадаеш, каб свет змяніўся, - сам стань гэтым змяненнем". Упэўнены, што разам мы можам змяніць гэты свет, а голас Глабальнай Большасці - гэта голас нашай агульнай будучыні", - рэзюмаваў беларускі лідар.-0-
Падпісвайцеся на нас у
