Фота з архіва
3 ліпеня, Мінск /Кар. БЕЛТА/. Беларусь з яе экспартна арыентаванай эканомікай, як ніхто іншы, зацікаўлена ў спалучэнні транспартна-лагістычных патэнцыялаў ЕАЭС і ШАС. Аб гэтым Прэзідэнт Беларусі Аляксандр Лукашэнка заявіў у інтэрв'ю міжнароднаму інфармацыйнаму агенцтву Казінфарм напярэдадні саміту ШАС у Астане, паведамляе БЕЛТА.
"Фарміраванне ўстойлівага транспартна-лагістычнага каркаса Еўразійскага кантынента з маршрутамі, якія забяспечваюць неабходную прапускную здольнасць, - адна з ключавых інтэграцыйных задач, прычым як у ЕАЭС, так і ў ШАС. Па вялікім рахунку, без канкурэнтаздольнай лагістыкі не можа ісці размова аб эфектыўнай сістэме гандлёвых адносін у рэгіёне", - заявіў беларускі лідар.
Ён адзначыў, што маштаб гэтай задачы наглядна зразумелы на прыкладзе канкрэтных лічбаў: тэрыторыя краін - членаў ШАС - больш за 35 млн квадратных кіламетраў, агульная колькасць насельніцтва - каля 3,5 млрд чалавек (практычна палавіна насельніцтва планеты), сумарны ВУП - $25,5 трлн.
Калі паглядзець на ЕАЭС, бесперашкодны рух тавараў неабходна забяспечваць у рамках тавараабмену на сотні мільярдаў долараў. Толькі ў 2023 годзе гэта лічба склала амаль $800 млрд.
"На ШАС прыпадае каля 40 працэнтаў экспарту дзяржаў - членаў ЕАЭС. І відавочна, што дынаміка ўзаемнага пранікнення тавараў, якія вырабляюцца ў краінах ЕАЭС і ШАС, будзе няўхільна расці, - заявіў Прэзідэнт Беларусі. - Перспектыўныя напрамкі нашай сумеснай работы - сінхранізацыя развіцця міжнародных транспартных калідораў, такіх як "Поўнач - Поўдзень", "Усход - Захад", іх спалучэнне з ініцыятывай нашых кітайскіх сяброў "Адзін пояс, адзін шлях". У свой час мы выступілі з такой ініцыятывай, і ўжо нямала зроблена для яе рэалізацыі".
У прыватнасці, на палях першага Транспартнага форуму краін ШАС у Ташкенце ў 2023 годзе падпісаны мемарандумы аб стварэнні двух новых міжнародных транспартных калідораў: "Беларусь - Расія - Казахстан - Узбекістан - Афганістан - Пакістан" і "Расія - Каспійскае мора - Туркменістан - Узбекістан - Кыргызстан".
"Калі ў 2020 годзе Літва і Польшча ў аднабаковым парадку незаконна перакрылі Беларусі доступ да партоў на Балтыцы, мы аператыўна перабудавалі нашу лагістыку на расійскія парты, пачалі развіваць транспартныя зносіны, уключаючы мадэрнізацыю інфраструктуры, з нашымі партнёрамі па ЕАЭС, Кітаем. Як кажуць, не было б шчасця, ды няшчасце дапамагло. Сёння мы нарошчваем аб'ёмы перавозак, а літоўскае і польскае кіраўніцтва штогод лічыць страты, што вылічваюцца сотнямі мільёнаў долараў", - заўважыў беларускі лідар.
Паводле яго слоў, цяпер перад краінамі стаяць задачы па лічбавізацыі гандлёвых маршрутаў, стварэнні зразумелай усім сістэмы мытнага транзіту, які будзе надзейна застрахаваны ад палітычных рызык.-0-
"Фарміраванне ўстойлівага транспартна-лагістычнага каркаса Еўразійскага кантынента з маршрутамі, якія забяспечваюць неабходную прапускную здольнасць, - адна з ключавых інтэграцыйных задач, прычым як у ЕАЭС, так і ў ШАС. Па вялікім рахунку, без канкурэнтаздольнай лагістыкі не можа ісці размова аб эфектыўнай сістэме гандлёвых адносін у рэгіёне", - заявіў беларускі лідар.
Ён адзначыў, што маштаб гэтай задачы наглядна зразумелы на прыкладзе канкрэтных лічбаў: тэрыторыя краін - членаў ШАС - больш за 35 млн квадратных кіламетраў, агульная колькасць насельніцтва - каля 3,5 млрд чалавек (практычна палавіна насельніцтва планеты), сумарны ВУП - $25,5 трлн.
Калі паглядзець на ЕАЭС, бесперашкодны рух тавараў неабходна забяспечваць у рамках тавараабмену на сотні мільярдаў долараў. Толькі ў 2023 годзе гэта лічба склала амаль $800 млрд.
"На ШАС прыпадае каля 40 працэнтаў экспарту дзяржаў - членаў ЕАЭС. І відавочна, што дынаміка ўзаемнага пранікнення тавараў, якія вырабляюцца ў краінах ЕАЭС і ШАС, будзе няўхільна расці, - заявіў Прэзідэнт Беларусі. - Перспектыўныя напрамкі нашай сумеснай работы - сінхранізацыя развіцця міжнародных транспартных калідораў, такіх як "Поўнач - Поўдзень", "Усход - Захад", іх спалучэнне з ініцыятывай нашых кітайскіх сяброў "Адзін пояс, адзін шлях". У свой час мы выступілі з такой ініцыятывай, і ўжо нямала зроблена для яе рэалізацыі".
У прыватнасці, на палях першага Транспартнага форуму краін ШАС у Ташкенце ў 2023 годзе падпісаны мемарандумы аб стварэнні двух новых міжнародных транспартных калідораў: "Беларусь - Расія - Казахстан - Узбекістан - Афганістан - Пакістан" і "Расія - Каспійскае мора - Туркменістан - Узбекістан - Кыргызстан".
Кіраўнік дзяржавы канстатаваў, што змяненні ў міжнародным гандлі, пераарыентацыя эканомік дзяржаў ЕАЭС на ўсё большыя рынкі краін Азіі, Сярэдняга і Блізкага Усходу прывялі да кардынальных змяненняў у транспартнай сферы і поўнай трансфармацыі лагістычных ланцужкоў.
Паводле яго слоў, цяпер перад краінамі стаяць задачы па лічбавізацыі гандлёвых маршрутаў, стварэнні зразумелай усім сістэмы мытнага транзіту, які будзе надзейна застрахаваны ад палітычных рызык.-0-
