Лукашэнка апасаецца, што ЗША выкарыстаюць канфлікт на Блізкім Усходзе для развязвання новай сусветнай вайны

8 жніўня, Мінск /Кар. БЕЛТА/. Прэзідэнт Беларусі Аляксандр Лукашэнка апасаецца, што ЗША выкарыстаюць канфлікт на Блізкім Усходзе для развязвання новай сусветнай вайны. Аб гэтым ён заявіў на сустрэчы з міністрамі ўнутраных спраў краін СНД, перадае карэспандэнт БЕЛТА.

"Быццам бы, выбудавалася палітыка ЗША ў свеце за апошнія 4 гады пры цяперашнім Прэзідэнце (Джо Байдэне. - Заўвага БЕЛТА). Вызначана: гэтыя - сябры, гэтыя - ворагі, гэты - сукін сын, але наш, гэты - чужы. Улада зменіцца - будзе, як у Афганістане. Дакладна будзе. Гэта не першы раз. Ім для таго, каб уладу памяняць, трэба абавязкова нейкую вайнушку развязаць. Не дай бог, яны выкарыстаюць канфліктную сітуацыю на Блізкім Усходзе для развязвання новай сусветнай вайны. Яны і на гэта гатовы пайсці", - сказаў кіраўнік дзяржавы.

"Я, барані бог, не агітую вас супраць ЗША ці нейкіх вашых традыцыйных саюзнікаў. Вы з усімі павінны сябраваць і выбудоўваць адносіны, хто гэтага хоча. Але не страчвайце тое, што мы стварылі за апошнія гады (размова аб даверным супрацоўніцтве. - Заўвага БЕЛТА). Гэта шмат у чым залежыць ад нас - сілавікоў. Шмат у чым залежыць. Я аб гэтым падумаў, ідучы на гэту сустрэчу", - дадаў Аляксандр Лукашэнка.-0-