28 лістапада, Астана /Кар. БЕЛТА/. Прэзідэнт Беларусі Аляксандр Лукашэнка ў сваім выступленні на пасяджэнні Савета калектыўнай бяспекі АДКБ пракаменціраваў адсутнасць на мерапрыемстве армянскага боку, перадае карэспандэнт БЕЛТА.
"Сёння мне выпаў гонар выступаць першым, паколькі нашы армянскія калегі не ўдзельнічаюць у пасяджэнні. Гэта, дарэчы, характарызуе бягучую геапалітычную сітуацыю ў рэгіёне і ў нейкай ступені нашу арганізацыю", - адзначыў беларускі лідар.
Справа ў тым, што звычайна лідары АДКБ на саміце выступаюць у алфавітным парадку, зыходзячы з першых літар у назвах краін. Такім чынам, калі б на саміце быў прадстаўнік Арменіі, ён выступаў бы першым. Раней прэм'ер-міністр Арменіі Нікол Пашынян заяўляў аб замарозцы ўдзелу краіны ў рабоце АДКБ.-0-
Падпісвайцеся на нас у
