12 верасня, Мінск /Кар. БЕЛТА/. Кіраўнік дзяржавы Аляксандр Лукашэнка 12 верасня падпісаў указ нумар 359, якім адобрыў у якасці асновы для правядзення перагавораў праект пагаднення паміж урадамі Беларусі і Сейшэльскіх Астравоў аб паветраных зносінах. Аб гэтым БЕЛТА інфармавалі ў прэс-службе Прэзідэнта.
У гэтым міжнародным дагаворы вызначаюцца ўмовы ажыццяўлення палётаў, пасадкі і высадкі пасажыраў, прыняцця на борт і выгрузкі багажу, грузу і пошты пры выкананні міжнародных пасажырскіх, грузавых і паштовых перавозак.
Рэалізацыя дакумента дасць магчымасць забяспечыць бяспеку палётаў і развіццё ўзаемавыгаднага супрацоўніцтва з Сейшэльскімі Астравамі ў галіне паветраных зносін.
На правядзенне перагавораў па праекце пагаднення і яго падпісанне ўпаўнаважана Міністэрства транспарту і камунікацый.-0-
Падпісвайцеся на нас у
