Фота з архіва
11 лістапада, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Думу Бока з нагоды перамогі яго партыі на ўсеагульных выбарах у Батсване і яго выбрання на пасаду Прэзідэнта гэтай краіны. Аб гэтым БЕЛТА паведамілі ў прэс-службе беларускага лідара.
"Вынікі галасавання яшчэ раз пацвердзілі трываласць батсванскай дэмакратычнай сістэмы. Перакананы, курс устойлівага развіцця і мадэрнізацыі краіны будзе прадоўжаны пад Вашым кіраўніцтвам. Мінск зацікаўлены ў нарошчванні доўгатэрміновых сувязей з Габароне. Мы маем перспектывы супрацоўніцтва ў сферы забеспячэння харчовай бяспекі і трансферу тэхналогій у галінах сельскай гаспадаркі, горназдабыўной прамысловасці, інфармацыйна-камунікацыйных тэхналогій", - падкрэсліў Аляксандр Лукашэнка.
Кіраўнік дзяржавы пацвердзіў гатоўнасць беларускай дэлегацыі высокага ўзроўню наведаць з візітам Батсвану ў снежні бягучага года, каб прыняць удзел і ўнесці канструктыўны ўклад у вынікі работы Трэцяй міжнароднай канферэнцыі ААН па краінах, якія не маюць выхаду да мора.
Прэзідэнт пажадаў Думу Бока добрага здароўя і поспехаў на новай адказнай пасадзе.-0-
Падпісвайцеся на нас у
