4 кастрычніка, Пінскі раён /Кар. БЕЛТА/. Прэзідэнт Беларусі даў высокую ацэнку вынікам работы ААТ "Парахонскае" ў Пінскім раёне, назваўшы ўбачанае найвышэйшым сусветным узроўнем. Аб гэтым ён заявіў у час размовы з мясцовымі жыхарамі, перадае карэспандэнт БЕЛТА.
"Прыехаў, каб душой адпачыць і прыняць сур'ёзнае рашэнне па развіцці нашага Палесся", - так Аляксандр Лукашэнка сказаў пра свой прыезд у аграгарадок Парахонск і аднайменнае сельгаспрадпрыемства.
"Гэта найвышэйшы ўзровень (гаспадарання на зямлі. - Заўвага БЕЛТА), сусветны. Такога няма ні ў свеце, ні ў Еўропе, - сказаў кіраўнік дзяржавы на сустрэчы з мясцовымі жыхарамі. - Вы жывяце ў гэтым райскім кутку. Вам можа пазайздросціць любы гараджанін. І не трэба сваіх дзяцей адпраўляць у нейкія гарады. Там, дзе нарадзіўся, там і згадзіўся. Таму я сапраўды адпачываю душой. Калі ваш кіраўнік (Уладзімір Храленка. - Заўвага БЕЛТА), які некалі прыехаў з Расіі, пасяліўся тут і стварыў такую жамчужыну, як "Парахонскае", дапаможа нам ажывіць Палессе, я яму буду ўдзячны".
Аляксандр Лукашэнка адзначыў, што ў суботу, 5 кастрычніка, у Брэсцкай вобласці правядуць свята "Дажынкі" і ён у цэлым хоча праехаць па ўсіх абласцях, каб падзякаваць сялянам. "Таму што вы малайцы. Я не памыліўся, калі гаварыў, што без селяніна, без вёскі няма краіны. І вы кожны год паказваеце, што вы сапраўдныя, моцныя людзі. Вы не падвялі", - падкрэсліў беларускі лідар.
У час наведвання гаспадаркі "Парахонскае" кіраўнік дзяржавы дэталёва цікавіўся рознымі аспектамі і вопытам яе работы. Бягучыя вынікі і арганізацыя справы не выклікаюць нараканняў, а таму размова была больш аб стратэгіі. Для людзей, не ўключаных у сельскую гаспадарку, многія рэчы могуць здацца даволі дробнымі, але з іх у выніку складаецца фінальны рэзультат.
Напрыклад, падрабязна абмеркавалі тэму нарыхтоўкі і забеспячэння захаванасці кармоў, што дае магчымасць забяспечваць высокаэфектыўную вытворчасць. Ёсць тут яшчэ поле і для работы айчынных канструктараў, каб прасаваныя апараты забяспечвалі неабходную якасць.
Адным з напрамкаў работы ААТ "Парахонскае" з'яўляецца насенняводства шматгадовых траў. І гэта таксама важна для забеспячэння кормам жывёлагадоўчага сектара. Аляксандр Лукашэнка, запусціўшы руку ў адзін з мяшкоў з насеннем, сказаў: "Вось золата. Не так проста гэта насенне атрымаць. Гэта - золата".
Прэзідэнт агледзеў меліярацыйную тэхніку, што выкарыстоўваецца ў ААТ "Парахонскае". Для прадпрыемства гэта, як кажуць, "маст-хэў", паколькі яно першапачаткова стваралася выключна на меліяраваных землях. Цяпер задача - падтрымліваць стан зямель, фактычна штогод "адваёўваючы" іх у прыроды.
Прэзідэнт таксама азнаёміўся з работай па вытворчасці вітамінна-травяных гранул. Прадпрыемства ў 2021 і 2023 гадах закупіла дзве такія лініі. Сабекошт 1 т гранул выходзіць на 30 працэнтаў танней за збожжа. За ўвесь перыяд вытворчасці травяных гранул рэалізаваны праект акупіўся на 80 працэнтаў.
Аляксандр Лукашэнка даў станоўчую ацэнку гэтаму падыходу, які можа быць запатрабаваны і ў іншых рэгіёнах. Напрыклад, у Віцебскай вобласці, дзе ўраджаі збожжа невысокія.
ААТ "Парахонскае" размешчана на былых балотах поймы рэк Прыпяць, Ясельда і Бобрык. У красавіку 1974 года першыя 2,5 тыс. га былі перададзены для сельгасвытворчасці саўгасу "Парахонскі". Меліярацыйныя работы працягваліся 10 гадоў - да 1984 года. Прадуктам меліярацыі зямель стаў саўгас "Парахонскі" з агульным аб'ёмам меліярацыйных зямель 14 тыс. га, з якіх 12,4 тыс. га сельгасугоддзяў.
Прадпрыемства перажыло няпросты перыяд першай паловы 1990-х, калі адбыўся рэзкі спад вытворчасці. У далейшым пры дзяржаўнай падтрымцы паступова пачала закупляцца новая тэхніка, аднавіліся меліярацыйныя работы, пабудаваны жывёлагадоўчыя комплексы. У выніку ўдалося практычна нанова адбудаваць "Парахонскае".
Цяпер прадпрыемства мае пагалоўе буйной рагатай жывёлы 26,5 тыс. галоў. Агульная плошча зямель складае амаль 26,6 тыс. га, з якіх сельгасугоддзі - каля 20 тыс. га. За 2023 год атрымалі каля 53 тыс. т малака пры ўдоі на карову больш за 10 тыс. кг, прададзена больш за 7 тыс. т ялавічыны пры сярэднясутачным прыбаўленні ў вазе 950 г.
Выручка ад рэалізацыі прадукцыі склала Br109 млн, выручка на аднаго працуючага - Br158 тыс. пры сярэднямесячнай заработнай плаце Br2150. Атрымана прыбытку больш як Br14 млн пры рэнтабельнасці 17,5 працэнта. Даходы прадпрыемства даюць магчымасць аплачваць крэдыты, пазыкі, лізінгавыя абавязацельствы, весці расшыранае ўзнаўленне, закупляць тэхніку, ажыццяўляць будаўніцтва вытворчых аб'ектаў. Адпаведна атрымала дадатковыя крыніцы для развіцця і сацыяльная сфера аграгарадка Парахонск у Пінскім раёне.-0-
"Прыехаў, каб душой адпачыць і прыняць сур'ёзнае рашэнне па развіцці нашага Палесся", - так Аляксандр Лукашэнка сказаў пра свой прыезд у аграгарадок Парахонск і аднайменнае сельгаспрадпрыемства.
"Гэта найвышэйшы ўзровень (гаспадарання на зямлі. - Заўвага БЕЛТА), сусветны. Такога няма ні ў свеце, ні ў Еўропе, - сказаў кіраўнік дзяржавы на сустрэчы з мясцовымі жыхарамі. - Вы жывяце ў гэтым райскім кутку. Вам можа пазайздросціць любы гараджанін. І не трэба сваіх дзяцей адпраўляць у нейкія гарады. Там, дзе нарадзіўся, там і згадзіўся. Таму я сапраўды адпачываю душой. Калі ваш кіраўнік (Уладзімір Храленка. - Заўвага БЕЛТА), які некалі прыехаў з Расіі, пасяліўся тут і стварыў такую жамчужыну, як "Парахонскае", дапаможа нам ажывіць Палессе, я яму буду ўдзячны".
Аляксандр Лукашэнка адзначыў, што ў суботу, 5 кастрычніка, у Брэсцкай вобласці правядуць свята "Дажынкі" і ён у цэлым хоча праехаць па ўсіх абласцях, каб падзякаваць сялянам. "Таму што вы малайцы. Я не памыліўся, калі гаварыў, што без селяніна, без вёскі няма краіны. І вы кожны год паказваеце, што вы сапраўдныя, моцныя людзі. Вы не падвялі", - падкрэсліў беларускі лідар.
У час наведвання гаспадаркі "Парахонскае" кіраўнік дзяржавы дэталёва цікавіўся рознымі аспектамі і вопытам яе работы. Бягучыя вынікі і арганізацыя справы не выклікаюць нараканняў, а таму размова была больш аб стратэгіі. Для людзей, не ўключаных у сельскую гаспадарку, многія рэчы могуць здацца даволі дробнымі, але з іх у выніку складаецца фінальны рэзультат.
Напрыклад, падрабязна абмеркавалі тэму нарыхтоўкі і забеспячэння захаванасці кармоў, што дае магчымасць забяспечваць высокаэфектыўную вытворчасць. Ёсць тут яшчэ поле і для работы айчынных канструктараў, каб прасаваныя апараты забяспечвалі неабходную якасць.
Адным з напрамкаў работы ААТ "Парахонскае" з'яўляецца насенняводства шматгадовых траў. І гэта таксама важна для забеспячэння кормам жывёлагадоўчага сектара. Аляксандр Лукашэнка, запусціўшы руку ў адзін з мяшкоў з насеннем, сказаў: "Вось золата. Не так проста гэта насенне атрымаць. Гэта - золата".
Прэзідэнт агледзеў меліярацыйную тэхніку, што выкарыстоўваецца ў ААТ "Парахонскае". Для прадпрыемства гэта, як кажуць, "маст-хэў", паколькі яно першапачаткова стваралася выключна на меліяраваных землях. Цяпер задача - падтрымліваць стан зямель, фактычна штогод "адваёўваючы" іх у прыроды.
Прэзідэнт таксама азнаёміўся з работай па вытворчасці вітамінна-травяных гранул. Прадпрыемства ў 2021 і 2023 гадах закупіла дзве такія лініі. Сабекошт 1 т гранул выходзіць на 30 працэнтаў танней за збожжа. За ўвесь перыяд вытворчасці травяных гранул рэалізаваны праект акупіўся на 80 працэнтаў.
Аляксандр Лукашэнка даў станоўчую ацэнку гэтаму падыходу, які можа быць запатрабаваны і ў іншых рэгіёнах. Напрыклад, у Віцебскай вобласці, дзе ўраджаі збожжа невысокія.
ААТ "Парахонскае" размешчана на былых балотах поймы рэк Прыпяць, Ясельда і Бобрык. У красавіку 1974 года першыя 2,5 тыс. га былі перададзены для сельгасвытворчасці саўгасу "Парахонскі". Меліярацыйныя работы працягваліся 10 гадоў - да 1984 года. Прадуктам меліярацыі зямель стаў саўгас "Парахонскі" з агульным аб'ёмам меліярацыйных зямель 14 тыс. га, з якіх 12,4 тыс. га сельгасугоддзяў.
Прадпрыемства перажыло няпросты перыяд першай паловы 1990-х, калі адбыўся рэзкі спад вытворчасці. У далейшым пры дзяржаўнай падтрымцы паступова пачала закупляцца новая тэхніка, аднавіліся меліярацыйныя работы, пабудаваны жывёлагадоўчыя комплексы. У выніку ўдалося практычна нанова адбудаваць "Парахонскае".
Цяпер прадпрыемства мае пагалоўе буйной рагатай жывёлы 26,5 тыс. галоў. Агульная плошча зямель складае амаль 26,6 тыс. га, з якіх сельгасугоддзі - каля 20 тыс. га. За 2023 год атрымалі каля 53 тыс. т малака пры ўдоі на карову больш за 10 тыс. кг, прададзена больш за 7 тыс. т ялавічыны пры сярэднясутачным прыбаўленні ў вазе 950 г.
Выручка ад рэалізацыі прадукцыі склала Br109 млн, выручка на аднаго працуючага - Br158 тыс. пры сярэднямесячнай заработнай плаце Br2150. Атрымана прыбытку больш як Br14 млн пры рэнтабельнасці 17,5 працэнта. Даходы прадпрыемства даюць магчымасць аплачваць крэдыты, пазыкі, лізінгавыя абавязацельствы, весці расшыранае ўзнаўленне, закупляць тэхніку, ажыццяўляць будаўніцтва вытворчых аб'ектаў. Адпаведна атрымала дадатковыя крыніцы для развіцця і сацыяльная сфера аграгарадка Парахонск у Пінскім раёне.-0-
Падпісвайцеся на нас у
