15 сакавіка, Мінск /Кар. БЕЛТА/. Прэзідэнт Беларусі Аляксандр Лукашэнка лічыць, што патрабаванні Еўрапейскага вяшчальнага саюза да песні беларускіх удзельнікаў "Еўрабачання" гэтага года - групе "Галасы ЗМеста" - ім толькі дабавілі аўтарытэту. Аб гэтым ён заявіў 13 сакавіка, адказваючы на пытанні журналістаў пасля ўдзелу ў спартыўным свяце "Мінская лыжня", перадае карэспандэнт БЕЛТА.
"Нас пачынаюць па ўсіх франтах падціскаць ужо. Нават на "Еўрабачанні", я гляджу. Што там група гэтая? Ну, толькі аўтарытэту ёй дабавілі. Як кажуць, добры піяр. Ну, калі што, дык песню мы зробім іншую. Не пытанне", - сказаў Прэзідэнт.
Як паведамлялася БЕЛТА, Белтэлерадыёкампанія раней вызначылася з заяўкай ад Беларусі на песенны конкурс "Еўрабачанне-2021", выбраўшы групу "Галасы ЗМеста" (Galasy ZMesta) з песняй "Я навучу цябе". Аднак Еўрапейскі вяшчальны саюз запатрабаваў змяніць тэкст песні або прадставіць на конкурс новую кампазіцыю, паколькі ў заяўленым варыянце арганізатары ўбачылі палітычны характар.-0-