Лукашэнка аб карупцыі: даравання не будзе

9 жніўня, Шклоў /Кар. БЕЛТА/. Даравання за факты карупцыі не будзе. Аб гэтым Прэзідэнт Беларусі Аляксандр Лукашэнка папярэдзіў удзельнікаў нарады ў Шклове, перадае карэспандэнт БЕЛТА.

"Мужыкі, я буду вас падтрымліваць, лячыць, карміць, што хочаце рабіць. Адзінае - не змагу вам дапамагчы, калі вы будзеце непрыстойнымі справамі займацца. Карупцыя - гэта выключана. Даравання не будзе. Гэта немагчыма", - папярэдзіў беларускі лідар.

"Нідзе ніколі вы тайна нічога не зробіце. Пачуйце вы, нарэшце, мяне. Не рабіце гэтага. Будзе вынік - мы знойдзем заўсёды капейку вам дапамагчы. Але не лезьце ў гэта. Проста вас прашу і папярэджваю".

"Разбурэнне эканомікі плюс іржа карупцыі - гэта вайна. Страшная справа, - перасцярог Прэзідэнт. - Вайна пачынаецца з эканомікі. Таму я заўсёды нагадваю. Давайце лепш ціха працаваць у ціхай спакойнай краіне, чым ваяваць".

Аляксандр Лукашэнка падкрэсліў, што патрабуе ад кіраўнікоў выканальніцкай дысцыпліны і будзе і далей аказваць адпаведны націск. "Я вас заўсёды папярэджваю. Нават выкарыстоўваю такое дрэннае слова, як "рэпрэсіі" (я вобразна кажу). Таму давайце знізу даверху дысцыпліну, сабраліся. Напружанне ствараецца наверсе, а яго трэба перакласці на сваіх падначаленых. Каб варушыліся ўсе".-0-