15 студзеня, Мінск /Кар. БЕЛТА/. Пры фарміраванні Дзяржаўнай інвестыцыйнай праграмы нельга траціць ні капейкі на тое, без чаго можна абысціся. Аб гэтым Прэзідэнт Беларусі Аляксандр Лукашэнка заявіў 15 студзеня ў час даклада аб зацвярджэнні Дзяржаўнай інвестыцыйнай праграмы на 2025 год, перадае карэспандэнт БЕЛТА.
"Ні адной капейкі нельга траціць на тое, без чаго мы можам абысціся. Усякія офісы, канторы і іншае - у нас гэтага "барахла" хапае. Дзяржаўныя яны, для МУС, дзяржслужачых - няважна для каго", - сказаў кіраўнік дзяржавы.
Прэзідэнт зрабіў акцэнт на ключавым прынцыпе, якім трэба кіравацца: "Эканомія, эканомія, эканомія".
У сувязі з гэтым кіраўніком дзяржавы адводзіцца асаблівая роля Камітэту дзяржаўнага кантролю. "Галоўнае ваша пытанне - гэта грошы, бюджэт, - звярнуўся Аляксандр Лукашэнка да старшыні КДК Васіля Герасімава. - Вось туды вы павінны глядзець і ўнікаць. І кантраляваць адпаведна ўрад, міністраў, усіх, хто стаіць за гэтымі грашамі".
Адно з важнейшых пытанняў Прэзідэнта па Дзяржінвестпраграме датычылася яе эфектыўнасці для эканомікі. У агульным аб'ёме з рэспубліканскага і рэгіянальных бюджэтаў запланавана інвесціраваць па розных напрамках Br6,5 млрд (уключаючы Br2,2 млрд на аб'екты Дзяржінвестпраграмы). "Грошы немалыя. І калі мы па-гаспадарску, эфектыўна ўкладзём гэтыя грошы, мы атрымаем добры эфект, - падкрэсліў Аляксандр Лукашэнка. - Кожны ўкладзены рубель павінен даваць максімальную аддачу".
Менавіта для дэталёвага абмеркавання гэтага пытання і ўсебаковага разгляду Дзяржінвестпраграмы Прэзідэнт прыняў рашэнне правесці мерапрыемства ў больш шырокім складзе перш, чым падпісаць адпаведны ўказ. "Я яе не падпісаў адразу, яшчэ раз не прааналізаваўшы з міністрамі, віцэ-прэм'ерамі, якія вельмі ў гэтым зацікаўлены, і прадстаўнікамі губернатарскага корпуса, міністрам фінансаў", - сказаў Аляксандр Лукашэнка.
"Для пачатку я назначыў нараду. Праўда, у Адміністрацыі Прэзідэнта (я ўжо Дзмітрыю Мікалаевічу (Крутому. - Заўвага БЕЛТА) гаварыў) аж тры чалавекі або чатыры мне запрасілі для абмеркавання, - растлумачыў Прэзідэнт. - А што я буду абмяркоўваць без Аляксандра Генрыхавіча (Турчына. - Заўвага БЕЛТА), без мэра Мінска, якія львіную долю інвестыцыйнай праграмы спажываць павінны або спажываюць? Што я без віцэ-прэм'ераў буду абмяркоўваць? Мне Галоўчанка або Чабатар раскажуць аб праграме? Павінна быць альтэрнатыўная думка".
Кіраўнік дзяржавы яшчэ раз звярнуў увагу на недапушчальнасць неабгрунтаваных трат. "Нельга траціць грошы проста так!" - заявіў ён, дадаўшы, што цяпер некаторыя зыходзяць з прынцыпу "не вазьму з бюджэту я, возьме нехта іншы". І ад такіх падыходаў трэба, безумоўна, пазбаўляцца.
"А прэм'ер з міністрам фінансаў на гэта спусціўшы рукавы глядзяць. Вось таму я не падпісаў адразу гэту інвестыцыйную праграму. Думаю: давайце паглядзім, давайце па-гаспадарску падыдзем да гэтага", - адзначыў Прэзідэнт.
Аляксандр Лукашэнка падкрэсліў, што трэба канцэнтраваць фінансаванне на тых аб'ектах і галінах, якія здольны даць хуткую аддачу. У якасці прыкладу ён прывёў сельскую гаспадарку і канкрэтна вытворчасць малака. "Калі ў нас малако без праблем прадаецца і малакапрадукты, дык, можа, сапраўды пабудаваць малочныя цэхі, малочнатаварныя комплексы і прадаць гэта малако?" - прапанаваў Прэзідэнт.
"Трэба паглыбляцца. Трэба думаць, за кошт чаго мы можам атрымаць пэўныя даходы, за кошт чаго мы можам развівацца, улічваючы тую сітуацыю, якая складваецца вакол краіны. Вось да чаго я вас заклікаю", - падагульніў кіраўнік дзяржавы.-0-
"Ні адной капейкі нельга траціць на тое, без чаго мы можам абысціся. Усякія офісы, канторы і іншае - у нас гэтага "барахла" хапае. Дзяржаўныя яны, для МУС, дзяржслужачых - няважна для каго", - сказаў кіраўнік дзяржавы.
Прэзідэнт зрабіў акцэнт на ключавым прынцыпе, якім трэба кіравацца: "Эканомія, эканомія, эканомія".
У сувязі з гэтым кіраўніком дзяржавы адводзіцца асаблівая роля Камітэту дзяржаўнага кантролю. "Галоўнае ваша пытанне - гэта грошы, бюджэт, - звярнуўся Аляксандр Лукашэнка да старшыні КДК Васіля Герасімава. - Вось туды вы павінны глядзець і ўнікаць. І кантраляваць адпаведна ўрад, міністраў, усіх, хто стаіць за гэтымі грашамі".
Адно з важнейшых пытанняў Прэзідэнта па Дзяржінвестпраграме датычылася яе эфектыўнасці для эканомікі. У агульным аб'ёме з рэспубліканскага і рэгіянальных бюджэтаў запланавана інвесціраваць па розных напрамках Br6,5 млрд (уключаючы Br2,2 млрд на аб'екты Дзяржінвестпраграмы). "Грошы немалыя. І калі мы па-гаспадарску, эфектыўна ўкладзём гэтыя грошы, мы атрымаем добры эфект, - падкрэсліў Аляксандр Лукашэнка. - Кожны ўкладзены рубель павінен даваць максімальную аддачу".
Менавіта для дэталёвага абмеркавання гэтага пытання і ўсебаковага разгляду Дзяржінвестпраграмы Прэзідэнт прыняў рашэнне правесці мерапрыемства ў больш шырокім складзе перш, чым падпісаць адпаведны ўказ. "Я яе не падпісаў адразу, яшчэ раз не прааналізаваўшы з міністрамі, віцэ-прэм'ерамі, якія вельмі ў гэтым зацікаўлены, і прадстаўнікамі губернатарскага корпуса, міністрам фінансаў", - сказаў Аляксандр Лукашэнка.
"Для пачатку я назначыў нараду. Праўда, у Адміністрацыі Прэзідэнта (я ўжо Дзмітрыю Мікалаевічу (Крутому. - Заўвага БЕЛТА) гаварыў) аж тры чалавекі або чатыры мне запрасілі для абмеркавання, - растлумачыў Прэзідэнт. - А што я буду абмяркоўваць без Аляксандра Генрыхавіча (Турчына. - Заўвага БЕЛТА), без мэра Мінска, якія львіную долю інвестыцыйнай праграмы спажываць павінны або спажываюць? Што я без віцэ-прэм'ераў буду абмяркоўваць? Мне Галоўчанка або Чабатар раскажуць аб праграме? Павінна быць альтэрнатыўная думка".
Кіраўнік дзяржавы яшчэ раз звярнуў увагу на недапушчальнасць неабгрунтаваных трат. "Нельга траціць грошы проста так!" - заявіў ён, дадаўшы, што цяпер некаторыя зыходзяць з прынцыпу "не вазьму з бюджэту я, возьме нехта іншы". І ад такіх падыходаў трэба, безумоўна, пазбаўляцца.
"А прэм'ер з міністрам фінансаў на гэта спусціўшы рукавы глядзяць. Вось таму я не падпісаў адразу гэту інвестыцыйную праграму. Думаю: давайце паглядзім, давайце па-гаспадарску падыдзем да гэтага", - адзначыў Прэзідэнт.
Аляксандр Лукашэнка падкрэсліў, што трэба канцэнтраваць фінансаванне на тых аб'ектах і галінах, якія здольны даць хуткую аддачу. У якасці прыкладу ён прывёў сельскую гаспадарку і канкрэтна вытворчасць малака. "Калі ў нас малако без праблем прадаецца і малакапрадукты, дык, можа, сапраўды пабудаваць малочныя цэхі, малочнатаварныя комплексы і прадаць гэта малако?" - прапанаваў Прэзідэнт.
"Трэба паглыбляцца. Трэба думаць, за кошт чаго мы можам атрымаць пэўныя даходы, за кошт чаго мы можам развівацца, улічваючы тую сітуацыю, якая складваецца вакол краіны. Вось да чаго я вас заклікаю", - падагульніў кіраўнік дзяржавы.-0-
Падпісвайцеся на нас у
