26 лістапада, Мінск /Кар. БЕЛТА/. Прэзідэнт Беларусі Аляксандр Лукашэнка 27-28 лістапада зробіць рабочы візіт у Кыргызстан, дзе прыме ўдзел у сесіі Савета калектыўнай бяспекі АДКБ. Аб гэтым БЕЛТА паведамілі ў прэс-службе беларускага лідара.
Пытанні парадку дня спачатку будуць разгледжаны ў вузкім складзе, а потым у фармаце пленарнага пасяджэння з удзелам кіраўнікоў знешнепалітычных ведамстваў, міністэрстваў абароны, сакратароў саветаў бяспекі.
Аляксандр Лукашэнка ў сваім выступленні на саміце абазначыць пазіцыю і асноўныя прапановы беларускага боку па развіцці і ўмацаванні міжнароднай і рэгіянальнай бяспекі ў розных яе сегментах. Па выніках сесіі Савета калектыўнай бяспекі плануецца падпісаць шэраг дакументаў.
Традыцыйна на палях саміту кіраўнік беларускай дзяржавы правядзе сустрэчы і перагаворы з замежнымі калегамі.-0-
