27 верасня, Мінск /Кар. БЕЛТА/. Прэзідэнт Беларусі Аляксандр Лукашэнка раскрыў прычыну сваіх сустрэч са студэнтамі. Аб гэтым кіраўнік дзяржавы расказаў 27 верасня на сустрэчы са студэнтамі інжынерна-тэхнічных ВНУ Мінска ў фармаце "Адкрыты мікрафон", перадае карэспандэнт БЕЛТА.
"Я хачу шчыра і сумленна з вамі пагаварыць, не баючыся таго, што вы задасце нейкія пытанні, на якія я не ведаю адказу. Таму давайце адкрыта пагаворым з вамі на тыя тэмы, якія вас хвалююць, таму што вы - будучыня нашай краіны, як банальна гэта ні гучала б. Заўсёды было так: моладзь - будучыня нашай краіны, і вельмі важна, які ў вас настрой, што вы думаеце пра будучыню. Можа, нашы пункты гледжання не супадуць, тады давайце знойдзем нейкі кампраміс, як гэта павінна быць у разумных людзей, асабліва ў славян, беларусаў", - сказаў Аляксандр Лукашэнка.
Прэзідэнт канстатаваў, што інфаасяроддзе зрабіла людзей вельмі адкрытымі, шчырымі і, на жаль, слабаабароненымі. "Вам, будучым спецыялістам у інфармацыйных тэхналогіях, электроніцы, не трэба расказваць аб скорасці распаўсюджвання і атрымання даных пра любога з нас. І калі мы самі давяраем гэтыя звесткі гаджэтам, то ўсведамляем тое, што становімся не суб'ектам адносін, якія завязваюцца ў інфапрасторы, а аб'ектам", - звярнуў увагу кіраўнік дзяржавы.
Аляксандр Лукашэнка расказаў, што яму часта прыносяць сацыялагічныя даследаванні з прэтэнзіяй на фарміраванне сацыяльнага партрэта сучаснай моладзі. Аднак, перакананы Прэзідэнт, ніводны такі дакумент, ніводная дакладная запіска або справаздача па актуальных праблемах маладзёжнай палітыкі не адкажуць на галоўнае пытанне: хто прадоўжыць будаваць і развіваць Беларусь?
"Таму я сёння тут, у вас. Думаю, мне яшчэ ўдасца пабываць і ў іншых ВНУ нашай краіны, каб адказаць на гэта пытанне. Вы прыйшлі сюды, каб задаць свае пытанні Прэзідэнту, а я - каб убачыць вас, зразумець і скласці ўласнае меркаванне, знайсці адказ на гэта пытанне - самае важнае сёння для мяне. Паўтару яго: хто прадоўжыць нашу сучасную гісторыю, гісторыю суверэннай Беларусі? Гавару аб гэтым сумленна і адкрыта", - падкрэсліў беларускі лідар.
Аляксандр Лукашэнка адзначыў, што для яго ў час такіх мерапрыемстваў важна зразумець, наколькі моладзь тонка або не адчувае сваю адказнасць за будучыню краіны, наколькі добра яна арыентуецца ў падзеях і фактах, якія фарміруюць міжнародны і ўнутраны інфармацыйны парадак дня.
"Мы, дарослыя, увесь час думаем, як вам растлумачыць, а вы многае самі бачыце і разумееце, робіце вельмі правільныя, мудрыя вывады. Таму я да вас прыйшоў, разлічваючы на шчырую размову", - сказаў Прэзідэнт.-0-
"Я хачу шчыра і сумленна з вамі пагаварыць, не баючыся таго, што вы задасце нейкія пытанні, на якія я не ведаю адказу. Таму давайце адкрыта пагаворым з вамі на тыя тэмы, якія вас хвалююць, таму што вы - будучыня нашай краіны, як банальна гэта ні гучала б. Заўсёды было так: моладзь - будучыня нашай краіны, і вельмі важна, які ў вас настрой, што вы думаеце пра будучыню. Можа, нашы пункты гледжання не супадуць, тады давайце знойдзем нейкі кампраміс, як гэта павінна быць у разумных людзей, асабліва ў славян, беларусаў", - сказаў Аляксандр Лукашэнка.
Прэзідэнт канстатаваў, што інфаасяроддзе зрабіла людзей вельмі адкрытымі, шчырымі і, на жаль, слабаабароненымі. "Вам, будучым спецыялістам у інфармацыйных тэхналогіях, электроніцы, не трэба расказваць аб скорасці распаўсюджвання і атрымання даных пра любога з нас. І калі мы самі давяраем гэтыя звесткі гаджэтам, то ўсведамляем тое, што становімся не суб'ектам адносін, якія завязваюцца ў інфапрасторы, а аб'ектам", - звярнуў увагу кіраўнік дзяржавы.
Аляксандр Лукашэнка расказаў, што яму часта прыносяць сацыялагічныя даследаванні з прэтэнзіяй на фарміраванне сацыяльнага партрэта сучаснай моладзі. Аднак, перакананы Прэзідэнт, ніводны такі дакумент, ніводная дакладная запіска або справаздача па актуальных праблемах маладзёжнай палітыкі не адкажуць на галоўнае пытанне: хто прадоўжыць будаваць і развіваць Беларусь?
"Таму я сёння тут, у вас. Думаю, мне яшчэ ўдасца пабываць і ў іншых ВНУ нашай краіны, каб адказаць на гэта пытанне. Вы прыйшлі сюды, каб задаць свае пытанні Прэзідэнту, а я - каб убачыць вас, зразумець і скласці ўласнае меркаванне, знайсці адказ на гэта пытанне - самае важнае сёння для мяне. Паўтару яго: хто прадоўжыць нашу сучасную гісторыю, гісторыю суверэннай Беларусі? Гавару аб гэтым сумленна і адкрыта", - падкрэсліў беларускі лідар.
Аляксандр Лукашэнка адзначыў, што для яго ў час такіх мерапрыемстваў важна зразумець, наколькі моладзь тонка або не адчувае сваю адказнасць за будучыню краіны, наколькі добра яна арыентуецца ў падзеях і фактах, якія фарміруюць міжнародны і ўнутраны інфармацыйны парадак дня.
"Мы, дарослыя, увесь час думаем, як вам растлумачыць, а вы многае самі бачыце і разумееце, робіце вельмі правільныя, мудрыя вывады. Таму я да вас прыйшоў, разлічваючы на шчырую размову", - сказаў Прэзідэнт.-0-
Падпісвайцеся на нас у
