Фота МЗС
5 снежня, Мінск /Кар. БЕЛТА/. Кіраўнік дэлегацыі Беларусі на пасяджэнні Савета міністраў замежных спраў АБСЕ ў Вене намеснік міністра замежных спраў Ігар Сякрэта сустрэўся з генеральным дырэктарам Міжнароднага агенцтва па атамнай энергіі Рафаэлем Гросі, паведамляе БЕЛТА.
Субяседнікі абмеркавалі актуальныя напрамкі супрацоўніцтва і перспектывы далейшай работы, а таксама абмяняліся думкамі па ключавых пытаннях міжнароднага парадку дня.
Як паведамілі ў Міністэрстве замежных спраў Беларусі, Ігар Сякрэта праінфармаваў генеральнага дырэктара аб планах нашай краіны па пашырэнні ядзернай генерацыі ў адпаведнасці з прагназуемым ростам энергаспажывання ў краіне, падкрэсліўшы зацікаўленасць у далейшым умацаванні супрацоўніцтва з МАГАТЭ на ўсіх этапах рэалізацыі ядзернай энергетычнай праграмы.
Ігар Сякрэта падкрэсліў значнасць для Беларусі партнёрства з МАГАТЭ, якое пачыналася з праектаў па аднаўленні тэрыторый, што пацярпелі ад чарнобыльскай катастрофы, і высока ацаніў уклад агенцтва ў рэалізацыю гэтых праграм.
Намеснік міністра звярнуў увагу на падпісаны ў жніўні 2025 года дакумент аб практычных дамоўленасцях паміж МАГАТЭ і Палескім дзяржаўным радыяцыйна-экалагічным запаведнікам, які ажыццяўляе ўнікальны радыяцыйны маніторынг, важныя для ўсёй міжнароднай супольнасці навуковыя даследаванні і работу па аднаўленні забруджаных тэрыторый.
Беларускі дыпламат падзякаваў МАГАТЭ за падтрымку ва ўмацаванні рэжыму ядзернай і радыяцыйнай бяспекі. Ён адзначыў, што місія па ацэнцы сістэмы адукацыі і падрыхтоўкі кадраў у лістападзе 2025 года высока ацаніла нацыянальную сістэму падрыхтоўкі спецыялістаў у галіне радыяцыйнай бяспекі і работу профільных устаноў.
Бакі таксама абмеркавалі намаганні па забеспячэнні ядзернай бяспекі на рэгіянальным узроўні. Намеснік міністра звярнуў увагу субяседніка на нядаўні інцыдэнт на Ігналінскай АЭС, адзначыўшы сур'ёзную занепакоенасць Беларусі патэнцыяльнымі трансгранічнымі наступствамі такіх падзей, а таксама адсутнасцю аператыўнага апавяшчэння, прадугледжанага міжнароднымі і двухбаковымі абавязацельствамі.
Беларускі прадстаўнік падкрэсліў важнасць забеспячэння транспарэнтнасці і своечасовага абмену інфармацыяй у сферы ядзернай бяспекі.
Рафаэль Гросі адзначыў значнасць паслядоўнага выканання міжнародных абавязацельстваў усімі краінамі.-0-
Субяседнікі абмеркавалі актуальныя напрамкі супрацоўніцтва і перспектывы далейшай работы, а таксама абмяняліся думкамі па ключавых пытаннях міжнароднага парадку дня.
Як паведамілі ў Міністэрстве замежных спраў Беларусі, Ігар Сякрэта праінфармаваў генеральнага дырэктара аб планах нашай краіны па пашырэнні ядзернай генерацыі ў адпаведнасці з прагназуемым ростам энергаспажывання ў краіне, падкрэсліўшы зацікаўленасць у далейшым умацаванні супрацоўніцтва з МАГАТЭ на ўсіх этапах рэалізацыі ядзернай энергетычнай праграмы.
Ігар Сякрэта падкрэсліў значнасць для Беларусі партнёрства з МАГАТЭ, якое пачыналася з праектаў па аднаўленні тэрыторый, што пацярпелі ад чарнобыльскай катастрофы, і высока ацаніў уклад агенцтва ў рэалізацыю гэтых праграм.
Намеснік міністра звярнуў увагу на падпісаны ў жніўні 2025 года дакумент аб практычных дамоўленасцях паміж МАГАТЭ і Палескім дзяржаўным радыяцыйна-экалагічным запаведнікам, які ажыццяўляе ўнікальны радыяцыйны маніторынг, важныя для ўсёй міжнароднай супольнасці навуковыя даследаванні і работу па аднаўленні забруджаных тэрыторый.
Беларускі дыпламат падзякаваў МАГАТЭ за падтрымку ва ўмацаванні рэжыму ядзернай і радыяцыйнай бяспекі. Ён адзначыў, што місія па ацэнцы сістэмы адукацыі і падрыхтоўкі кадраў у лістападзе 2025 года высока ацаніла нацыянальную сістэму падрыхтоўкі спецыялістаў у галіне радыяцыйнай бяспекі і работу профільных устаноў.
Бакі таксама абмеркавалі намаганні па забеспячэнні ядзернай бяспекі на рэгіянальным узроўні. Намеснік міністра звярнуў увагу субяседніка на нядаўні інцыдэнт на Ігналінскай АЭС, адзначыўшы сур'ёзную занепакоенасць Беларусі патэнцыяльнымі трансгранічнымі наступствамі такіх падзей, а таксама адсутнасцю аператыўнага апавяшчэння, прадугледжанага міжнароднымі і двухбаковымі абавязацельствамі.
Беларускі прадстаўнік падкрэсліў важнасць забеспячэння транспарэнтнасці і своечасовага абмену інфармацыяй у сферы ядзернай бяспекі.
Рафаэль Гросі адзначыў значнасць паслядоўнага выканання міжнародных абавязацельстваў усімі краінамі.-0-
Падпісвайцеся на нас у
