Фота МЗС
27 верасня, Мінск /Кар. БЕЛТА/. Міністр замежных спраў Беларусі Максім Рыжанкоў на міністэрскай сустрэчы Групы сяброў Альянсу цывілізацый заявіў аб падтрымцы беларускім бокам гэтай міжнароднай платформы, паведамляе БЕЛТА.
"У сучасным свеце, поўным канфліктаў і рознагалоссяў, дзейнасць "Альянсу цывілізацый" важна як ніколі, - падкрэсліў міністр. - Мы гатовы падзяліцца сваім вопытам забеспячэння талерантнасці ў грамадстве і запрашаем наведаць нашу краіну, каб асабіста пераканацца ў нашых дасягненнях. Беларусь падтрымлівае Альянс цывілізацый як вядучую платформу і практычны інструмент для развіцця дыялогу і процістаяння ўнілатэралізму".
Максім Рыжанкоў таксама заявіў, што беларускі бок цэніць прыярытэты альянсу па пяці асноўных напрамках: адукацыя, моладзь, міграцыя, сродкі масавай інфармацыі і абарона правоў і магчымасцей жанчын. "Гэта вельмі актуальныя напрамкі. Іх належная аперацыяналізацыя (практычная рэалізацыя) можа адыграць вырашальную ролю ў мінімізацыі канфліктнага патэнцыялу ў свеце", - упэўнены міністр.
У сваім выступленні ён закрануў некаторыя з іх, якія маюць асаблівае значэнне для Беларусі.
Так, Беларусь поўнасцю падзяляе намаганні альянсу па ўключэнні моладзі ў працэс прыняцця рашэнняў. "Моладзь павінна правільна ўспрымацца ў грамадстве. Яна павінна адыгрываць мірную ролю і дапаўняць урады ў фарміраванні нацыянальнай палітыкі будучыні. Толькі ў гэтым выпадку маладыя людзі змогуць стаць рэальнай рухаючай сілай нашага далейшага развіцця. У сувязі з гэтым урад Беларусі прыцягвае маладых беларусаў да ўдзелу ў сумесных праектах. У выніку мы бачым, што яны падтрымліваюць нацыянальную палітыку і беражліва адносяцца да традыцый", - сказаў кіраўнік МЗС.
У Беларусі таксама высока ацэньваюць ролю альянсу ў захаванні ў парадку дня тэмы міграцыі, якая цяпер мае першараднае значэнне: "Міграцыя можа ўнесці пазітыўны ўклад у развіццё любога грамадства праз культуру, веды, звычаі і традыцыі. У Беларусі мы разглядаем міграцыю менавіта з гэтага пункту гледжання і заўсёды ўдзяляем мігрантам пільную ўвагу".
Аднак сёння канфлікты, войны і нестабільнасць у краінах прывялі да таго, што вялікая колькасць нелегальных мігрантаў спрабуюць збегчы ад пастаяннай небяспекі для свайго жыцця. У выніку тэма міграцыі становіцца ўсё больш палітызаванай, заўважыў Максім Рыжанкоў.
Паводле яго слоў, замест таго, каб вырашаць праблемы нелегальнай міграцыі, вядуцца палітычныя гульні - хто колькі грошай за гэта атрымае. "Мы ўпэўнены, што ўсе пытанні павінны і могуць быць вырашаны шляхам дыялогу", - падкрэсліў міністр.
Яшчэ адзін вельмі важны напрамак дзейнасці альянсу - сродкі масавай інфармацыі, якія адыгрываюць важную ролю ў асвеце людзей і садзейнічанні ўстойліваму прагрэсу. "У той жа час СМІ могуць быць і разбуральнай зброяй, калі скажаюць інфармацыю і распаўсюджваюць фальшывыя навіны. На жаль, у нашы дні сродкі масавай інфармацыі ў многіх выпадках распальваюць нянавісць і канфлікты, - канстатаваў кіраўнік МЗС. - Мы лічым, што альянс павінен грунтоўна прааналізаваць у рамках свайго парадку дня, як змагацца з фальшывымі навінамі і зрабіць СМІ больш дакладнымі як крыніцу інфармацыі".
Максім Рыжанкоў запэўніў, што Беларусь гатова прадаўжаць цеснае супрацоўніцтва з альянсам і ўсімі членамі міжнароднай супольнасці на карысць нашай квітнеючай і мірнай будучыні.-0-
"У сучасным свеце, поўным канфліктаў і рознагалоссяў, дзейнасць "Альянсу цывілізацый" важна як ніколі, - падкрэсліў міністр. - Мы гатовы падзяліцца сваім вопытам забеспячэння талерантнасці ў грамадстве і запрашаем наведаць нашу краіну, каб асабіста пераканацца ў нашых дасягненнях. Беларусь падтрымлівае Альянс цывілізацый як вядучую платформу і практычны інструмент для развіцця дыялогу і процістаяння ўнілатэралізму".
Максім Рыжанкоў таксама заявіў, што беларускі бок цэніць прыярытэты альянсу па пяці асноўных напрамках: адукацыя, моладзь, міграцыя, сродкі масавай інфармацыі і абарона правоў і магчымасцей жанчын. "Гэта вельмі актуальныя напрамкі. Іх належная аперацыяналізацыя (практычная рэалізацыя) можа адыграць вырашальную ролю ў мінімізацыі канфліктнага патэнцыялу ў свеце", - упэўнены міністр.
У сваім выступленні ён закрануў некаторыя з іх, якія маюць асаблівае значэнне для Беларусі.
Так, Беларусь поўнасцю падзяляе намаганні альянсу па ўключэнні моладзі ў працэс прыняцця рашэнняў. "Моладзь павінна правільна ўспрымацца ў грамадстве. Яна павінна адыгрываць мірную ролю і дапаўняць урады ў фарміраванні нацыянальнай палітыкі будучыні. Толькі ў гэтым выпадку маладыя людзі змогуць стаць рэальнай рухаючай сілай нашага далейшага развіцця. У сувязі з гэтым урад Беларусі прыцягвае маладых беларусаў да ўдзелу ў сумесных праектах. У выніку мы бачым, што яны падтрымліваюць нацыянальную палітыку і беражліва адносяцца да традыцый", - сказаў кіраўнік МЗС.
У Беларусі таксама высока ацэньваюць ролю альянсу ў захаванні ў парадку дня тэмы міграцыі, якая цяпер мае першараднае значэнне: "Міграцыя можа ўнесці пазітыўны ўклад у развіццё любога грамадства праз культуру, веды, звычаі і традыцыі. У Беларусі мы разглядаем міграцыю менавіта з гэтага пункту гледжання і заўсёды ўдзяляем мігрантам пільную ўвагу".
Аднак сёння канфлікты, войны і нестабільнасць у краінах прывялі да таго, што вялікая колькасць нелегальных мігрантаў спрабуюць збегчы ад пастаяннай небяспекі для свайго жыцця. У выніку тэма міграцыі становіцца ўсё больш палітызаванай, заўважыў Максім Рыжанкоў.
Паводле яго слоў, замест таго, каб вырашаць праблемы нелегальнай міграцыі, вядуцца палітычныя гульні - хто колькі грошай за гэта атрымае. "Мы ўпэўнены, што ўсе пытанні павінны і могуць быць вырашаны шляхам дыялогу", - падкрэсліў міністр.
Яшчэ адзін вельмі важны напрамак дзейнасці альянсу - сродкі масавай інфармацыі, якія адыгрываюць важную ролю ў асвеце людзей і садзейнічанні ўстойліваму прагрэсу. "У той жа час СМІ могуць быць і разбуральнай зброяй, калі скажаюць інфармацыю і распаўсюджваюць фальшывыя навіны. На жаль, у нашы дні сродкі масавай інфармацыі ў многіх выпадках распальваюць нянавісць і канфлікты, - канстатаваў кіраўнік МЗС. - Мы лічым, што альянс павінен грунтоўна прааналізаваць у рамках свайго парадку дня, як змагацца з фальшывымі навінамі і зрабіць СМІ больш дакладнымі як крыніцу інфармацыі".
Максім Рыжанкоў запэўніў, што Беларусь гатова прадаўжаць цеснае супрацоўніцтва з альянсам і ўсімі членамі міжнароднай супольнасці на карысць нашай квітнеючай і мірнай будучыні.-0-
Падпісвайцеся на нас у
