Рыжанкоў назваў галоўную перашкоду на шляху да міру ў сектары Газа і ў рэгіёне Блізкага Усходу

27 верасня, Мінск /Кар. БЕЛТА/. Міністр замежных спраў Беларусі Максім Рыжанкоў на міністэрскай сустрэчы Групы сяброў у абарону Статута ААН у Нью-Ёрку назваў галоўную перашкоду на шляху да міру ў сектары Газа і ў рэгіёне Блізкага Усходу ў цэлым. Аб гэтым паведамляе БЕЛТА са спасылкай на прэс-службу МЗС.

Беларусь, паводле слоў кіраўніка МЗС, глыбока шкадуе аб пакутах мірнага насельніцтва, якія прадаўжаюцца, і адсутнасці належнай гуманітарнай дапамогі палесцінскаму народу. Ён звярнуў увагу, што, асуджаючы кровапраліцце, Беларусь заўсёды выступала за ўрэгуляванне канфлікту на аснове прынцыпу дзвюх дзяржаў са стварэннем поўнасцю незалежнай палесцінскай дзяржавы.

"З нашага пункту гледжання, адной з галоўных перашкод на шляху да міру з'яўляецца непрыкрытае заахвочванне Ізраіля Злучанымі Штатамі да выкарыстання ваеннай сілы для дасягнення сваіх мэт, - падкрэсліў Максім Рыжанкоў. - У сувязі з гэтым нашы палітычныя дэкларацыі павінны разглядацца не толькі як палітычныя лозунгі, але і як нейкія дарожныя карты па дасягненні ўстойлівага міру на аснове палажэнняў Статута ААН. Гэта дасць нам рэальную сілу для таго, каб зрабіць нашы дыпламатычныя намаганні больш паспяховымі".-0-