Фота МЗС
10 студзеня, Мінск /Кар. БЕЛТА/. Міністр замежных спраў Рэспублікі Беларусь Максім Рыжанкоў у час афіцыйнага візіту ў Рэспубліку Саюз М'янма 10 студзеня прыняў удзел у беларуска-м'янманскай дзелавой сустрэчы ў эканамічнай сталіцы краіны Янгоне. Аб гэтым карэспандэнту БЕЛТА паведамілі ў прэс-службе беларускага знешнепалітычнага ведамства.
Кіраўнік беларускага знешнепалітычнага ведамства падкрэсліў, што Беларусь і М'янма планамерна паглыбляюць узаемавыгадныя дружалюбныя адносіны, мэта якіх - рост дабрабыту грамадзян абедзвюх дзяржаў. "Мы зыходзім з таго, што эканомікі нашых краін не канкурэнтныя, наадварот - яны ўзаемна дапаўняюць адна адну. Нам жа толькі застаецца эфектыўна выкарыстоўваць гэта на практыцы", - адзначыў Максім Рыжанкоў.
Мерапрыемства, якое сабрала каля 90 прадстаўнікоў бізнес-колаў і дзяржаўных органаў дзвюх краін, было арганізавана Беларускай гандлёва-прамысловай палатай сумесна з Федэрацыяй гандлёва-прамысловых палат М'янмы. У ходзе мерапрыемства і па яго выніках прадстаўнікі беларускіх і м'янманскіх кампаній правялі серыю перагавораў, прысвечаных супрацоўніцтву ў сферы сельскай гаспадаркі і харчавання, фармацэўтыкі, паставак беларускай аўтатранспартнай тэхнікі і закупак шэрага тавараў, якія цікавяць нашы дзелавыя колы.
Афіцыйны Нейп'ідо на мерапрыемстве прадстаўлялі старшыня М'янманскай эканамічнай карпарацыі Ньё Со, міністр інвестыцый і знешнеэканамічных адносін Кан Зо і міністр гандлю Тун Он. Максім Рыжанкоў падвёў вынікі сумеснай работы ў рамках асобнай сустрэчы з м'янманскімі калегамі.-0-
Кіраўнік беларускага знешнепалітычнага ведамства падкрэсліў, што Беларусь і М'янма планамерна паглыбляюць узаемавыгадныя дружалюбныя адносіны, мэта якіх - рост дабрабыту грамадзян абедзвюх дзяржаў. "Мы зыходзім з таго, што эканомікі нашых краін не канкурэнтныя, наадварот - яны ўзаемна дапаўняюць адна адну. Нам жа толькі застаецца эфектыўна выкарыстоўваць гэта на практыцы", - адзначыў Максім Рыжанкоў.
Мерапрыемства, якое сабрала каля 90 прадстаўнікоў бізнес-колаў і дзяржаўных органаў дзвюх краін, было арганізавана Беларускай гандлёва-прамысловай палатай сумесна з Федэрацыяй гандлёва-прамысловых палат М'янмы. У ходзе мерапрыемства і па яго выніках прадстаўнікі беларускіх і м'янманскіх кампаній правялі серыю перагавораў, прысвечаных супрацоўніцтву ў сферы сельскай гаспадаркі і харчавання, фармацэўтыкі, паставак беларускай аўтатранспартнай тэхнікі і закупак шэрага тавараў, якія цікавяць нашы дзелавыя колы.
Афіцыйны Нейп'ідо на мерапрыемстве прадстаўлялі старшыня М'янманскай эканамічнай карпарацыі Ньё Со, міністр інвестыцый і знешнеэканамічных адносін Кан Зо і міністр гандлю Тун Он. Максім Рыжанкоў падвёў вынікі сумеснай работы ў рамках асобнай сустрэчы з м'янманскімі калегамі.-0-
Падпісвайцеся на нас у
