18 верасня, Масква /Эдуард Півавар - БЕЛТА/. Саюзніцкія адносіны з Расіяй з'яўляюцца для Беларусі прыярытэтам і доўгатэрміновым стратэгічным курсам. Аб гэтым заявіў пасол Беларусі ў Расіі Аляксандр Рагожнік на ўрачыстым мерапрыемстве, прысвечаным Дню народнага адзінства, якое адбылося 18 верасня ў Дзелавым і культурным комплексе пасольства, перадае карэспандэнт БЕЛТА.
"Сучасная міжнародная абстаноўка, на жаль, зноў выклікае занепакоенасць і трывогу: у розных рэгіёнах планеты не сціхаюць узброеныя канфлікты, уздымаюць галаву ксенафобія і нацызм. У гэтых умовах Беларусь выступае за мірнае развіццё шматпалярнага свету. Асаблівую ўвагу ў сувязі з гэтым хацеў бы ўдзяліць саюзніцкім адносінам з братэрскай Расіяй, якія з'яўляюцца нашым прыярытэтам і доўгатэрміновым стратэгічным курсам, і цяпер знаходзяцца на ўздыме ва ўсіх сферах, пачынаючы ад культуры і заканчваючы гандлёва-эканамічным і ваенна-палітычным узаемадзеяннем", - канстатаваў Аляксандр Рагожнік.
Паводле яго слоў, рэкордны тавараабарот з РФ у апошнія гады, маштабная кааперацыя ў галіне мікраэлектронікі, авіябудавання і станкабудавання, завяршэнне фундаментальнага праекта Беларускай АЭС сталі адказам на санкцыйную агрэсію Захаду і далі магчымасць забяспечыць рост эканомікі як у Беларусі, так і ў Расіі амаль на 4 працэнты па выніках мінулага года. "У бягучым годзе мы прадаўжаем фіксаваць пазітыўныя тэндэнцыі", - адзначыў дыпламат.
Пасол падкрэсліў, што Беларусь прадоўжыць упэўнены рух суверэнным курсам пад кіраўніцтвам нацыянальнага лідара Аляксандра Лукашэнкі. "Мы прадоўжым развіццё мірнай, сацыяльна справядлівай, індустрыяльнай беларускай дзяржавы, адказнага суб'екта інтэграцыйных аб'яднанняў з Расійскай Федэрацыяй і іншымі саюзнікамі", - запэўніў ён.
"Адна з вядомых цытат беларускага прэзідэнта: "Сіла ў праўдзе, а праўда на нашым баку!" І мы адзіныя ў сваім імкненні жыць на сваёй зямлі, сваім розумам і працай. Гісторыя вучыць, што, забываючы наша мінулае, адмаўляючыся ад яго, мы разбураем фундамент, на якім пабудавана сучаснасць. Таму мы ніколі не павінны гэтага дапусціць. Пакуль мы помнім, мы жывём. Рэспубліка Беларусь - эта агульная справа, гэта адзінства!" - дадаў Аляксандр Рагожнік.
У рамках мерапрыемства былі прадстаўлены два выставачныя праекты, падрыхтаваныя Нацыянальным архівам Беларусі. Адзін з іх прысвечаны 85-годдзю ўз'яднання Заходняй Беларусі і БССР, другі - станаўленню інстытута прэзідэнцтва і парламентарызму ў Беларусі. Затым адбыўся канцэрт Нацыянальнага акадэмічнага аркестра сімфанічнай і эстраднай музыкі імя М.Я.Фінберга.-0-
"Сучасная міжнародная абстаноўка, на жаль, зноў выклікае занепакоенасць і трывогу: у розных рэгіёнах планеты не сціхаюць узброеныя канфлікты, уздымаюць галаву ксенафобія і нацызм. У гэтых умовах Беларусь выступае за мірнае развіццё шматпалярнага свету. Асаблівую ўвагу ў сувязі з гэтым хацеў бы ўдзяліць саюзніцкім адносінам з братэрскай Расіяй, якія з'яўляюцца нашым прыярытэтам і доўгатэрміновым стратэгічным курсам, і цяпер знаходзяцца на ўздыме ва ўсіх сферах, пачынаючы ад культуры і заканчваючы гандлёва-эканамічным і ваенна-палітычным узаемадзеяннем", - канстатаваў Аляксандр Рагожнік.
Паводле яго слоў, рэкордны тавараабарот з РФ у апошнія гады, маштабная кааперацыя ў галіне мікраэлектронікі, авіябудавання і станкабудавання, завяршэнне фундаментальнага праекта Беларускай АЭС сталі адказам на санкцыйную агрэсію Захаду і далі магчымасць забяспечыць рост эканомікі як у Беларусі, так і ў Расіі амаль на 4 працэнты па выніках мінулага года. "У бягучым годзе мы прадаўжаем фіксаваць пазітыўныя тэндэнцыі", - адзначыў дыпламат.
Пасол падкрэсліў, што Беларусь прадоўжыць упэўнены рух суверэнным курсам пад кіраўніцтвам нацыянальнага лідара Аляксандра Лукашэнкі. "Мы прадоўжым развіццё мірнай, сацыяльна справядлівай, індустрыяльнай беларускай дзяржавы, адказнага суб'екта інтэграцыйных аб'яднанняў з Расійскай Федэрацыяй і іншымі саюзнікамі", - запэўніў ён.
"Адна з вядомых цытат беларускага прэзідэнта: "Сіла ў праўдзе, а праўда на нашым баку!" І мы адзіныя ў сваім імкненні жыць на сваёй зямлі, сваім розумам і працай. Гісторыя вучыць, што, забываючы наша мінулае, адмаўляючыся ад яго, мы разбураем фундамент, на якім пабудавана сучаснасць. Таму мы ніколі не павінны гэтага дапусціць. Пакуль мы помнім, мы жывём. Рэспубліка Беларусь - эта агульная справа, гэта адзінства!" - дадаў Аляксандр Рагожнік.
У рамках мерапрыемства былі прадстаўлены два выставачныя праекты, падрыхтаваныя Нацыянальным архівам Беларусі. Адзін з іх прысвечаны 85-годдзю ўз'яднання Заходняй Беларусі і БССР, другі - станаўленню інстытута прэзідэнцтва і парламентарызму ў Беларусі. Затым адбыўся канцэрт Нацыянальнага акадэмічнага аркестра сімфанічнай і эстраднай музыкі імя М.Я.Фінберга.-0-
Падпісвайцеся на нас у
