Пуцін: развіццё супрацоўніцтва ў ЕАЭС не можа не радаваць

27 чэрвеня, Мінск /Кар. БЕЛТА/. Развіццё супрацоўніцтва ў ЕАЭС не можа не радаваць. Аб гэтым заявіў прэзідэнт Расіі Уладзімір Пуцін на прэс-канферэнцыі пасля пасяджэння Вышэйшага Еўразійскага эканамічнага савета, паведамляе РІА Навіны.

"Падыходзіць да завяршэння наша стратэгія развіцця, якая была разлічана да бягучага года. Мы думаем аб тым, як выбудоўваць нашу работу сумесную далей. Але ў цэлым вынікі работы не могуць нас не задавальняць. Яны нас задавольваюць усіх", - сказаў расійскі лідар.

Ён указаў на тое, што тэмпы росту эканомік Еўразійскага эканамічнага саюза вышэйшыя за сярэднесусветныя, што з'яўляецца вынікам сумеснай работы краін-удзельніц. "У нас у ЕАЭС ён вышэйшы, чым сярэднесусветны тэмп. Сусветны рост 3,3 працэнта, як вядома. А ў ЕАЭС большы за 4 працэнты, значна больш. А па некаторых краінах сур'ёзна больш, ёсць і 5 працэнтаў, і ледзь не да 6 працэнтаў, па-мойму, у некаторых там набліжаецца", - дадаў прэзідэнт РФ.

Паводле яго слоў, Расія засталася задаволена вынікамі саміту ЕАЭС, які адбыўся ў Мінску. "Што датычыцца вынікаў сённяшняй нашай нарады, саміту ЕАЭС - мы задаволены вынікамі, мы падвялі пэўныя вынікі", - прыводзіць словы кіраўніка РФ ТАСС.

Пуцін таксама анансаваў, што бліжэйшая сустрэча лідараў ЕАЭС пройдзе ў Санкт-Пецярбургу перад Новым годам.-0-