Пасол: у Беларусі і Сербіі вельмі добрыя планы на будучае супрацоўніцтва

25 кастрычніка, Мінск /Кар. БЕЛТА/. У Беларусі і Сербіі вельмі добрыя планы на будучае супрацоўніцтва, заявіла Надзвычайны і Паўнамоцны Пасол Рэспублікі Сербія ў Рэспубліцы Беларусь Іліна Вукайлавіч па выніках сустрэчы са старшынёй Савета Рэспублікі Наталляй Качанавай, перадае карэспандэнт БЕЛТА.

"У нас вельмі добрыя планы на будучыню і шэраг напрамкаў, у якіх можна супрацоўнічаць, - адзначыла пасол. - Сербія будзе арганізоўваць "Экспа-2027". Гэта вельмі вялікі поспех для нас, запрашаем сяброў, у першую чаргу дружалюбную Беларусь, прыняць удзел, паказаць свае кампетэнцыі, магчымасці ва ўсіх сферах. Сербія таксама з'яўляецца членам і будзе старшынёй Глабальнага партнёрства па штучным інтэлекце на працягу наступных трох гадоў. У нас добрыя вынікі ў эканоміцы. І мы гатовы абмяняцца вопытам і поспехамі са сваімі сябрамі з Беларусі. На наступным тыдні ў Мінску будзе віцэ-прэм'ер Сербіі Аляксандр Вулін. Ён прыме ўдзел у другой Мінскай міжнароднай канферэнцыі па еўразійскай бяспецы. Плануем таксама шэраг мерапрыемстваў да 30-годдзя нашых дыпадносін. Будзем арганізоўваць вялікую выстаўку ў Музеі гісторыі ВАВ, прысвечаную пакутам сербскага народа ў Другой сусветнай вайне".

"Рады прадоўжыць супрацоўніцтва з дружалюбнай Беларуссю абсалютна ва ўсіх напрамках на карысць нашых народаў", - падкрэсліла Іліна Вукайлавіч.-0-