Фота pixabay.com
26 верасня, Мінск /Кар. БЕЛТА/. Афіцыйная дэлегацыя Беларусі на чале з міністрам замежных спраў Максімам Рыжанковым 26-29 верасня наведае Нью-Ёрк для ўдзелу ў высокім тыдні 79-й сесіі Генеральнай Асамблеі ААН. Аб гэтым БЕЛТА паведамілі ў прэс-службе МЗС Беларусі.
Праграмай работы прадугледжаны выступленні кіраўніка знешнепалітычнага ведамства Беларусі на агульнапалітычнай дыскусіі 79-й сесіі ГА ААН, удзел у сустрэчах міністраў замежных спраў дзяржаў - членаў АДКБ, у міністэрскай сустрэчы Групы сяброў Альянсу цывілізацый, міністэрскай сустрэчы Групы сяброў у абарону Статута ААН.
Асноўныя намаганні беларускай дэлегацыі будуць сканцэнтраваны на пашырэнні ідэй шматпалярнага свету і рэгіянальнасці, далейшай кансалідацыі краін-аднадумцаў, якія выступаюць за фарміраванне больш справядлівага сусветнага парадку, заснаванага на ўзаемапавазе і ўліку законных нацыянальных інтарэсаў усіх краін.
Асобны акцэнт будзе зроблены на незаконным характары і дэструктыўных наступствах выкарыстання шэрагам краін аднабаковых прымусовых мер як інструмента націску на суверэнныя дзяржавы ў сваіх інтарэсах.
Плануецца таксама ўдзяліць увагу пытанням харчовай бяспекі, тэматыцы гістарычнай памяці, у прыватнасці ў кантэксце подзвігу савецкага народа ў гады Вялікай Айчыннай вайны, захаванню традыцыйных сямейных каштоўнасцей.
На палях Генасамблеі запланавана больш за дзесяць двухбаковых сустрэч Максіма Рыжанкова з калегамі з Еўропы, Лацінскай Амерыкі, Паўднёва-Усходняй Азіі, кіраўніцтвам Арганізацыі Аб'яднаных Нацый.
Работа 79-й сесіі ГА ААН праходзіць пад лозунгам "Адзінства ў разнастайнасці ў імя забеспячэння міру, устойлівага развіцця і чалавечай годнасці для ўсіх і ўсюды". Асноўныя намаганні галоўных органаў ААН будуць накіраваны на пошук магчымасцей спынення агню ў Палесціне і ва Украіне, а таксама на стварэнне ўмоў для паляпшэння гуманітарнай сітуацыі ў адпаведных рэгіёнах.-0-
Праграмай работы прадугледжаны выступленні кіраўніка знешнепалітычнага ведамства Беларусі на агульнапалітычнай дыскусіі 79-й сесіі ГА ААН, удзел у сустрэчах міністраў замежных спраў дзяржаў - членаў АДКБ, у міністэрскай сустрэчы Групы сяброў Альянсу цывілізацый, міністэрскай сустрэчы Групы сяброў у абарону Статута ААН.
Асноўныя намаганні беларускай дэлегацыі будуць сканцэнтраваны на пашырэнні ідэй шматпалярнага свету і рэгіянальнасці, далейшай кансалідацыі краін-аднадумцаў, якія выступаюць за фарміраванне больш справядлівага сусветнага парадку, заснаванага на ўзаемапавазе і ўліку законных нацыянальных інтарэсаў усіх краін.
Асобны акцэнт будзе зроблены на незаконным характары і дэструктыўных наступствах выкарыстання шэрагам краін аднабаковых прымусовых мер як інструмента націску на суверэнныя дзяржавы ў сваіх інтарэсах.
Плануецца таксама ўдзяліць увагу пытанням харчовай бяспекі, тэматыцы гістарычнай памяці, у прыватнасці ў кантэксце подзвігу савецкага народа ў гады Вялікай Айчыннай вайны, захаванню традыцыйных сямейных каштоўнасцей.
На палях Генасамблеі запланавана больш за дзесяць двухбаковых сустрэч Максіма Рыжанкова з калегамі з Еўропы, Лацінскай Амерыкі, Паўднёва-Усходняй Азіі, кіраўніцтвам Арганізацыі Аб'яднаных Нацый.
Работа 79-й сесіі ГА ААН праходзіць пад лозунгам "Адзінства ў разнастайнасці ў імя забеспячэння міру, устойлівага развіцця і чалавечай годнасці для ўсіх і ўсюды". Асноўныя намаганні галоўных органаў ААН будуць накіраваны на пошук магчымасцей спынення агню ў Палесціне і ва Украіне, а таксама на стварэнне ўмоў для паляпшэння гуманітарнай сітуацыі ў адпаведных рэгіёнах.-0-
Падпісвайцеся на нас у
