У час сустрэчы. Фота Палаты прадстаўнікоў
4 лістапада, Мінск /Кар. БЕЛТА/. Сустрэча старшыні Палаты прадстаўнікоў Ігара Сергяенкі са старшынёй Панафрыканскага парламента Фарчунам Чарумбірам прайшла 4 лістапада, паведамляе БЕЛТА.
У час сустрэчы бакі адзначылі, што мэты Беларусі і краін Афрыкі ў многім супадаюць. Гэта мір, эканамічнае развіццё, паляпшэнне дабрабыту грамадзян і ў рэшце рэшт - рэалізацыя Мэт устойлівага развіцця.
"Мы - першачарговы голас народаў Афрыкі. Хачу пахваліць Беларусь як краіну. Мы ведаем, як многа добрага вы зрабілі і эканамічна, і сацыяльна. Вы - вялікая краіна", - сказаў Фарчун Чарумбіра.
"Беларусь праводзіць міралюбную знешнюю палітыку, паслядоўна выступае з аб'яднальнымі ініцыятывамі, накіраванымі на ўмацаванне даверу і плённага супрацоўніцтва", - адзначыў Ігар Сергяенка. Спікер падкрэсліў, што важнейшая ініцыятыва аб глабальным дыялогу ў мэтах фарміравання новай і ўсёабдымнай сістэмы калектыўнай бяспекі прыналежыць Прэзідэнту нашай краіны, і выказаў надзею на яе падтрымку дзяржавамі Афрыкі.
Сёння плануецца падпісанне мемарандума аб супрацоўніцтве паміж Нацыянальным сходам Рэспублікі Беларусь і Панафрыканскім парламентам, у адпаведнасці з якім парламенту Беларусі будзе прадастаўлены статус наглядальніка пры гэтай арганізацыі. Як адзначана ў час сустрэчы, гэта важны крок ва ўмацаванні сувязей, абмене візітамі, правядзенні кансультацый па любых пытаннях, маючых узаемную цікавасць.
Ігар Сергяенка падкрэсліў, што старшыня Панафрыканскага парламента ў любы зручны для яго час можа наведаць з візітам Беларусь. У беларускім парламенце будзе сфарміравана дэлегацыя па ўзаемадзеянні з Панафрыканскім парламентам. У яе склад увойдуць кіраўнікі груп дружбы па супрацоўніцтве з парламентамі краін Афрыкі. Спікер растлумачыў, што ў Нацыянальным сходзе ўжо дзейнічаюць асобныя групы па супрацоўніцтве з парламентамі Зімбабвэ, Алжыра, Егіпта, Экватарыяльнай Гвінеі, Кеніі, ПАР і адна група дружбы з парламентамі Анголы, Лівіі, Марока, Руанды, Туніса, Судана і Уганды.
Старшыня Палаты прадстаўнікоў заявіў, што ўзаемадзеянне з Панафрыканскім парламентам як адным з важных органаў Афрыканскага саюза дазволіць прыцягнуць беларускія кампаніі да ўдзелу ў праграмах развіцця Афрыкі, прадугледжаных Парадкам дня Афрыканскага саюза на перыяд да 2063 года. Ён таксама выказаў упэўненасць, што развіццю ўзаемавыгаднага супрацоўніцтва будзе садзейнічаць пашырэнне ўзаемадзеяння беларускіх і афрыканскіх парламентарыяў у міжнародных парламенцкіх арганізацыях, перш за ўсё ў Міжпарламенцкім саюзе.
Вялікая ўвага на сустрэчы была ўдзелена пытанням развіцця гандлёва-эканамічнага супрацоўніцтва. Сукупны ВУП Афрыкі складае амаль $3 трлн, што адкрывае вялікія магчымасці ў нарошчванні ўзаемавыгадных эканамічных адносін. Беларускі экспарт у краіны Афрыкі сёлета вырас амаль у чатыры разы. За восем месяцаў ён склаў амаль $1,5 млрд і перасягнуў гадавыя паказчыкі папярэдніх гадоў.
Паспяхова развіваецца супрацоўніцтва з шэрагам афрыканскіх дзяржаў, сярод якіх Зімбабвэ, дзе з 2020 года ў партнёрстве з Беларуссю рэалізуецца праграма механізацыі сельскай гаспадаркі. У краіну пастаўлена каля 2 тыс. беларускіх трактароў і камбайнаў. У 2022 годзе ўпершыню за апошнія 50 гадоў Зімбабвэ поўнасцю забяспечыла сябе збожжам. Сабраны самы вялікі ўраджай пшаніцы - 375 тыс.т. Бакі абмеркавалі магчымыя перспектывы ўдзелу нашай краіны ў сумесных праектах па здабычы карысных выкапняў, развіцці інфраструктуры, механізацыі сельскай гаспадаркі ў краінах Афрыканскага кантынента.
Бакі таксама абмеркавалі ўзаемадзеянне ў сферы адукацыйных паслуг. У мінулым навучальным годзе ў Беларусі навучаліся грамадзяне з 33 афрыканскіх дзяржаў, і мы гатовы нарошчваць супрацоўніцтва па гэтым напрамку, а таксама паглыбляць навукова-тэхнічнае ўзаемадзеянне і акадэмічнае супрацоўніцтва з Панафрыканскім парламентам, установамі адукацыі і арганізацыямі Афрыкі.
"Мы арыентаваны на прадметнае супрацоўніцтва, якое будзе мець практычны характар. У сваім імкненні да пабудовы мірнай квітнеючай Афрыкі вы заўсёды можаце разлічваць на канструктыўнае ўзаемадзеянне з беларускімі калегамі. У нашай асобе вы будзеце мець надзейнага партнёра", - канстатаваў Ігар Сергяенка.
Як паведамлялася, дэлегацыя Нацыянальнага сходу Рэспублікі Беларусь на чале са старшынёй Палаты прадстаўнікоў Ігарам Сергяенкам па запрашэнні старшыні Панафрыканскага парламента Фарчуна Чарумбіры наведвае г. Мідранд (ПАР) для ўдзелу ў чацвёртым пленарным пасяджэнні Панафрыканскага парламента шостага склікання. Беларускаму парламенту ўпершыню ў гісторыі дадзена магчымасць выступіць на афіцыйнай цырымоніі адкрыцця сесіі ПАП. Праграмай візіту таксама запланаваны сустрэчы старшыні Палаты прадстаўнікоў Ігара Сергяенкі з кіраўніцтвам ПАП, Нацыянальнай асамблеі ПАР, кіраўнікамі парламенцкіх дэлегацый краін Афрыкі.-0-
У час сустрэчы бакі адзначылі, што мэты Беларусі і краін Афрыкі ў многім супадаюць. Гэта мір, эканамічнае развіццё, паляпшэнне дабрабыту грамадзян і ў рэшце рэшт - рэалізацыя Мэт устойлівага развіцця.
"Мы - першачарговы голас народаў Афрыкі. Хачу пахваліць Беларусь як краіну. Мы ведаем, як многа добрага вы зрабілі і эканамічна, і сацыяльна. Вы - вялікая краіна", - сказаў Фарчун Чарумбіра.
"Беларусь праводзіць міралюбную знешнюю палітыку, паслядоўна выступае з аб'яднальнымі ініцыятывамі, накіраванымі на ўмацаванне даверу і плённага супрацоўніцтва", - адзначыў Ігар Сергяенка. Спікер падкрэсліў, што важнейшая ініцыятыва аб глабальным дыялогу ў мэтах фарміравання новай і ўсёабдымнай сістэмы калектыўнай бяспекі прыналежыць Прэзідэнту нашай краіны, і выказаў надзею на яе падтрымку дзяржавамі Афрыкі.
Сёння плануецца падпісанне мемарандума аб супрацоўніцтве паміж Нацыянальным сходам Рэспублікі Беларусь і Панафрыканскім парламентам, у адпаведнасці з якім парламенту Беларусі будзе прадастаўлены статус наглядальніка пры гэтай арганізацыі. Як адзначана ў час сустрэчы, гэта важны крок ва ўмацаванні сувязей, абмене візітамі, правядзенні кансультацый па любых пытаннях, маючых узаемную цікавасць.
Ігар Сергяенка падкрэсліў, што старшыня Панафрыканскага парламента ў любы зручны для яго час можа наведаць з візітам Беларусь. У беларускім парламенце будзе сфарміравана дэлегацыя па ўзаемадзеянні з Панафрыканскім парламентам. У яе склад увойдуць кіраўнікі груп дружбы па супрацоўніцтве з парламентамі краін Афрыкі. Спікер растлумачыў, што ў Нацыянальным сходзе ўжо дзейнічаюць асобныя групы па супрацоўніцтве з парламентамі Зімбабвэ, Алжыра, Егіпта, Экватарыяльнай Гвінеі, Кеніі, ПАР і адна група дружбы з парламентамі Анголы, Лівіі, Марока, Руанды, Туніса, Судана і Уганды.
Старшыня Палаты прадстаўнікоў заявіў, што ўзаемадзеянне з Панафрыканскім парламентам як адным з важных органаў Афрыканскага саюза дазволіць прыцягнуць беларускія кампаніі да ўдзелу ў праграмах развіцця Афрыкі, прадугледжаных Парадкам дня Афрыканскага саюза на перыяд да 2063 года. Ён таксама выказаў упэўненасць, што развіццю ўзаемавыгаднага супрацоўніцтва будзе садзейнічаць пашырэнне ўзаемадзеяння беларускіх і афрыканскіх парламентарыяў у міжнародных парламенцкіх арганізацыях, перш за ўсё ў Міжпарламенцкім саюзе.
Вялікая ўвага на сустрэчы была ўдзелена пытанням развіцця гандлёва-эканамічнага супрацоўніцтва. Сукупны ВУП Афрыкі складае амаль $3 трлн, што адкрывае вялікія магчымасці ў нарошчванні ўзаемавыгадных эканамічных адносін. Беларускі экспарт у краіны Афрыкі сёлета вырас амаль у чатыры разы. За восем месяцаў ён склаў амаль $1,5 млрд і перасягнуў гадавыя паказчыкі папярэдніх гадоў.
Паспяхова развіваецца супрацоўніцтва з шэрагам афрыканскіх дзяржаў, сярод якіх Зімбабвэ, дзе з 2020 года ў партнёрстве з Беларуссю рэалізуецца праграма механізацыі сельскай гаспадаркі. У краіну пастаўлена каля 2 тыс. беларускіх трактароў і камбайнаў. У 2022 годзе ўпершыню за апошнія 50 гадоў Зімбабвэ поўнасцю забяспечыла сябе збожжам. Сабраны самы вялікі ўраджай пшаніцы - 375 тыс.т. Бакі абмеркавалі магчымыя перспектывы ўдзелу нашай краіны ў сумесных праектах па здабычы карысных выкапняў, развіцці інфраструктуры, механізацыі сельскай гаспадаркі ў краінах Афрыканскага кантынента.
Бакі таксама абмеркавалі ўзаемадзеянне ў сферы адукацыйных паслуг. У мінулым навучальным годзе ў Беларусі навучаліся грамадзяне з 33 афрыканскіх дзяржаў, і мы гатовы нарошчваць супрацоўніцтва па гэтым напрамку, а таксама паглыбляць навукова-тэхнічнае ўзаемадзеянне і акадэмічнае супрацоўніцтва з Панафрыканскім парламентам, установамі адукацыі і арганізацыямі Афрыкі.
"Мы арыентаваны на прадметнае супрацоўніцтва, якое будзе мець практычны характар. У сваім імкненні да пабудовы мірнай квітнеючай Афрыкі вы заўсёды можаце разлічваць на канструктыўнае ўзаемадзеянне з беларускімі калегамі. У нашай асобе вы будзеце мець надзейнага партнёра", - канстатаваў Ігар Сергяенка.
Як паведамлялася, дэлегацыя Нацыянальнага сходу Рэспублікі Беларусь на чале са старшынёй Палаты прадстаўнікоў Ігарам Сергяенкам па запрашэнні старшыні Панафрыканскага парламента Фарчуна Чарумбіры наведвае г. Мідранд (ПАР) для ўдзелу ў чацвёртым пленарным пасяджэнні Панафрыканскага парламента шостага склікання. Беларускаму парламенту ўпершыню ў гісторыі дадзена магчымасць выступіць на афіцыйнай цырымоніі адкрыцця сесіі ПАП. Праграмай візіту таксама запланаваны сустрэчы старшыні Палаты прадстаўнікоў Ігара Сергяенкі з кіраўніцтвам ПАП, Нацыянальнай асамблеі ПАР, кіраўнікамі парламенцкіх дэлегацый краін Афрыкі.-0-
Падпісвайцеся на нас у
