Фота МЗС
1 жніўня, Мінск /Кар. БЕЛТА/. Дэлегацыя Беларусі на чале з намеснікам міністра замежных спраў Ігарам Сякрэтам у Хельсінкі прыняла ўдзел у юбілейных мерапрыемствах, прысвечаных 50-годдзю падпісання Хельсінкскага заключнага акта, паведамляе БЕЛТА.
Выступаючы на рабочых дыскусіях аб будучыні АБСЕ, кіраўнік беларускай дэлегацыі прадставіў ацэнкі і прапановы Мінска па пераадоленні крызіснай сітуацыі ў сферы рэгіянальнай бяспекі, а таксама па павышэнні эфектыўнасці работы АБСЕ.
Ігар Сякрэта падкрэсліў, што будучыня АБСЕ магчыма толькі ў тым выпадку, калі дзяржавы-ўдзельніцы пачнуць успрымаць арганізацыю не як пляцоўку для эмацыянальнага выказвання ўзаемных прэтэнзій, а як практычны інструмент падтрымання дыялогу і ўмацавання міждзяржаўнага ўзаемадзеяння на ўсёй еўразійскай прасторы.
"Калі мы здолеем узняцца над ідэалагічнымі догмамі і прымхамі, мы зможам вярнуць мір у Еўропу. Як? Пры дапамозе дыпламатыі. Спыненне ваенных дзеянняў і новая разрадка ў Еўропе стануць не перадумовай, а вынікам аднаўлення паўнацэннага міжнароднага ўзаемадзеяння", - адзначыў ён.
Беларускі бок прапанаваў пачаць абмеркаванне будучыні еўразійскай архітэктуры бяспекі, падкрэсліўшы неабходнасць абноўленага дыялогу паміж зацікаўленымі дзяржавамі. У якасці прамежкавага кроку Беларусь выказалася за прыцягненне да абмеркавання незалежных экспертаў, аналітыкаў, вучоных і прадстаўнікоў СМІ - у выпадку, калі афіцыйныя структуры на першым этапе будуць не гатовы да прамога ўзаемадзеяння.
"Беларусь гатова да такога дыялогу ў любым фармаце і на любой пляцоўцы без папярэдніх умоў. Мы таксама прапануем выкарыстаць у гэтых мэтах Мінскую канферэнцыю па еўразійскай бяспецы, якая адбудзецца 28-29 кастрычніка. Улічваючы ўнікальнае геапалітычнае становішча нашай краіны, Мінск - аптымальная пляцоўка для сур'ёзнай размовы і выпрацоўкі рашэнняў па рэгіянальных канфліктах", - заявіў Ігар Сякрэта.
У Хельсінкі намеснік міністра замежных спраў правёў сустрэчы з кіраўнікамі шэрага замежных дэлегацый.
Міжнародная канферэнцыя і рабочыя дыскусіі "Хельсінкі +50" праходзілі ў гістарычных памяшканнях кангрэс-цэнтра "Фінляндыя-Хол", дзе ў 1975 годзе быў падпісаны Хельсінкскі заключны акт Нарады па бяспецы і супрацоўніцтве ў Еўропе.-0-
Выступаючы на рабочых дыскусіях аб будучыні АБСЕ, кіраўнік беларускай дэлегацыі прадставіў ацэнкі і прапановы Мінска па пераадоленні крызіснай сітуацыі ў сферы рэгіянальнай бяспекі, а таксама па павышэнні эфектыўнасці работы АБСЕ.
Ігар Сякрэта падкрэсліў, што будучыня АБСЕ магчыма толькі ў тым выпадку, калі дзяржавы-ўдзельніцы пачнуць успрымаць арганізацыю не як пляцоўку для эмацыянальнага выказвання ўзаемных прэтэнзій, а як практычны інструмент падтрымання дыялогу і ўмацавання міждзяржаўнага ўзаемадзеяння на ўсёй еўразійскай прасторы.
"Калі мы здолеем узняцца над ідэалагічнымі догмамі і прымхамі, мы зможам вярнуць мір у Еўропу. Як? Пры дапамозе дыпламатыі. Спыненне ваенных дзеянняў і новая разрадка ў Еўропе стануць не перадумовай, а вынікам аднаўлення паўнацэннага міжнароднага ўзаемадзеяння", - адзначыў ён.
Беларускі бок прапанаваў пачаць абмеркаванне будучыні еўразійскай архітэктуры бяспекі, падкрэсліўшы неабходнасць абноўленага дыялогу паміж зацікаўленымі дзяржавамі. У якасці прамежкавага кроку Беларусь выказалася за прыцягненне да абмеркавання незалежных экспертаў, аналітыкаў, вучоных і прадстаўнікоў СМІ - у выпадку, калі афіцыйныя структуры на першым этапе будуць не гатовы да прамога ўзаемадзеяння.
"Беларусь гатова да такога дыялогу ў любым фармаце і на любой пляцоўцы без папярэдніх умоў. Мы таксама прапануем выкарыстаць у гэтых мэтах Мінскую канферэнцыю па еўразійскай бяспецы, якая адбудзецца 28-29 кастрычніка. Улічваючы ўнікальнае геапалітычнае становішча нашай краіны, Мінск - аптымальная пляцоўка для сур'ёзнай размовы і выпрацоўкі рашэнняў па рэгіянальных канфліктах", - заявіў Ігар Сякрэта.
У Хельсінкі намеснік міністра замежных спраў правёў сустрэчы з кіраўнікамі шэрага замежных дэлегацый.
Міжнародная канферэнцыя і рабочыя дыскусіі "Хельсінкі +50" праходзілі ў гістарычных памяшканнях кангрэс-цэнтра "Фінляндыя-Хол", дзе ў 1975 годзе быў падпісаны Хельсінкскі заключны акт Нарады па бяспецы і супрацоўніцтве ў Еўропе.-0-
Падпісвайцеся на нас у
