Фота з архіва
10 лістапада, Мінск /Кар. БЕЛТА/. Асенняя сесія Міжпарламенцкай асамблеі СНД пройдзе 13-14 лістапада ў Душанбэ, паведамілі БЕЛТА ў Выканаўчым камітэце СНД.
Сесія ўпершыню пройдзе ў сталіцы Таджыкістана. У яе рабоце прымуць удзел дэлегацыі Азербайджана, Арменіі, Беларусі, Казахстана, Кыргызстана, Расіі, Таджыкістана і Узбекістана, а таксама прадстаўнікі партнёрскіх арганізацый.
13 лістапада на пасяджэнне Савета МПА СНД збяруцца кіраўнікі парламентаў краін Садружнасці. Удзельнікі сустрэчы заслухаюць інфармацыю аб рашэннях Савета кіраўнікоў дзяржаў СНД ад 10 кастрычніка 2025 года і Савета кіраўнікоў урадаў СНД ад 29 верасня 2025 года.
У парадку дня - пытанні аб старшынстве Рэспублікі Таджыкістан у СНД у 2025 годзе, аб дзейнасці Камісіі па правах чалавека Садружнасці Незалежных Дзяржаў, аб прысуджэнні прэміі імя Чынгіза Айтматава і іншыя. Кіраўнікі парламентаў краін Садружнасці абмяркуюць таксама план работы асамблеі на 2026 год і вынікі мерапрыемстваў, праведзеных у гэтым годзе. Сярод мерапрыемстваў - XI Неўскі міжнародны экалагічны кангрэс, дзясяты міжнародны культурна-адукацыйны форум "Дзеці Садружнасці", які ўпершыню прайшоў у Беларусі, другі міжнародны форум "Устойлівае развіццё горных тэрыторый" і турысцкі форум Travel Hub "Садружнасць", праведзеныя ў Рэспубліцы Дагестан. Кіраўнікам парламентаў таксама будзе прадстаўлена інфармацыя аб другой міжнароднай канферэнцыі "Руская мова - аснова інтэграцыйнага дыялогу ў рэгіёне СНД" і міжнародным навукова-адукацыйным кангрэсе "Інтэлектуальны код Садружнасці".
Акрамя таго, члены Савета азнаёмяцца з вынікамі XXV пасяджэння Маладзёжнай міжпарламенцкай асамблеі. У гэты ж дзень пройдуць пасяджэнні пастаянных камісій МПА СНД па прававых і палітычных пытаннях і міжнародным супрацоўніцтве.
14 лістапада адкрыецца работа 59-га пленарнага пасяджэння Міжпарламенцкай асамблеі СНД. Парламентарыі разгледзяць шэраг дакументаў: мадэльныя законы аб лекавым забеспячэнні ў дзяржавах СНД, аб абмежаванні выкідаў парніковых газаў, аб крэатыўных індустрыях, аб тэрытарыяльнай абароне, аб упаўнаважаным па правах дзіцяці, рэкамендацыі па выяўленні і ўліку злачынстваў у дзяржавах СНД, звязаных з гандлем людзьмі.-0-
Сесія ўпершыню пройдзе ў сталіцы Таджыкістана. У яе рабоце прымуць удзел дэлегацыі Азербайджана, Арменіі, Беларусі, Казахстана, Кыргызстана, Расіі, Таджыкістана і Узбекістана, а таксама прадстаўнікі партнёрскіх арганізацый.
13 лістапада на пасяджэнне Савета МПА СНД збяруцца кіраўнікі парламентаў краін Садружнасці. Удзельнікі сустрэчы заслухаюць інфармацыю аб рашэннях Савета кіраўнікоў дзяржаў СНД ад 10 кастрычніка 2025 года і Савета кіраўнікоў урадаў СНД ад 29 верасня 2025 года.
У парадку дня - пытанні аб старшынстве Рэспублікі Таджыкістан у СНД у 2025 годзе, аб дзейнасці Камісіі па правах чалавека Садружнасці Незалежных Дзяржаў, аб прысуджэнні прэміі імя Чынгіза Айтматава і іншыя. Кіраўнікі парламентаў краін Садружнасці абмяркуюць таксама план работы асамблеі на 2026 год і вынікі мерапрыемстваў, праведзеных у гэтым годзе. Сярод мерапрыемстваў - XI Неўскі міжнародны экалагічны кангрэс, дзясяты міжнародны культурна-адукацыйны форум "Дзеці Садружнасці", які ўпершыню прайшоў у Беларусі, другі міжнародны форум "Устойлівае развіццё горных тэрыторый" і турысцкі форум Travel Hub "Садружнасць", праведзеныя ў Рэспубліцы Дагестан. Кіраўнікам парламентаў таксама будзе прадстаўлена інфармацыя аб другой міжнароднай канферэнцыі "Руская мова - аснова інтэграцыйнага дыялогу ў рэгіёне СНД" і міжнародным навукова-адукацыйным кангрэсе "Інтэлектуальны код Садружнасці".
Акрамя таго, члены Савета азнаёмяцца з вынікамі XXV пасяджэння Маладзёжнай міжпарламенцкай асамблеі. У гэты ж дзень пройдуць пасяджэнні пастаянных камісій МПА СНД па прававых і палітычных пытаннях і міжнародным супрацоўніцтве.
14 лістапада адкрыецца работа 59-га пленарнага пасяджэння Міжпарламенцкай асамблеі СНД. Парламентарыі разгледзяць шэраг дакументаў: мадэльныя законы аб лекавым забеспячэнні ў дзяржавах СНД, аб абмежаванні выкідаў парніковых газаў, аб крэатыўных індустрыях, аб тэрытарыяльнай абароне, аб упаўнаважаным па правах дзіцяці, рэкамендацыі па выяўленні і ўліку злачынстваў у дзяржавах СНД, звязаных з гандлем людзьмі.-0-
Падпісвайцеся на нас у
