Фота МЗС
17 снежня, Мінск /Кар. БЕЛТА/. На гэты час у наяўнасці ўсе прыкметы разбурэння міжнароднай бяспекі ў яе глабальным сэнсе. Аб гэтым заявіў намеснік міністра замежных спраў Беларусі Юрый Амбразевіч, выступаючы ў фармаце відэаканферэнцыі на 7-м пасяджэнні Савета Міністраў НУМДА, паведамляе БЕЛТА са спасылкай на беларускае МЗС.
"Хачу выказацца аб набалелым: аб выкліках міжнароднай бяспецы, бо давер і ўзаемадзеянне - неад'емныя складнікі бяспекі, - падкрэсліў Юрый Амбразевіч. - Здавалася б, столькі сказана пра міжнародную бяспеку. Формулы поспеху адкрыты і правільныя рэцэпты выпісаны, аднак свет яшчэ ніколі не быў такім блізкім да трэцяй сусветнай вайны. Сёння ў наяўнасці ўсе прыкметы разбурэння міжнароднай бяспекі ў яе глабальным сэнсе".
Ён таксама звярнуў увагу, што ключавыя міжнародныя дагаворы ў сферы кантролю над узбраеннямі і раззбраення ігнаруюцца. "Гонка ўзбраенняў набірае абароты, - падкрэсліў намеснік міністра. - Мы ў Беларусі адчуваем гэты націск непасрэдна на заходняй і паўночнай граніцы краіны, дзе члены НАТА размяшчаюць новыя войскі і актыўна ўзбройваюцца. Ігнараванне заходнімі краінамі інтарэсаў суседзяў і адмова ад захавання прынцыпу непадзельнасці бяспекі прывялі да палаючага на нашых паўднёвых рубяжах канфлікту паміж Расіяй і НАТА ва Украіне".
"Аднабаковыя эканамічныя абмежаванні заходніх краін супраць Беларусі, Расіі, Ірана і іншых краін уцягваюць у арбіту канфліктаў, народжаных у Еўропе і на Блізкім Усходзе, усе дзяржавы свету, нават геаграфічна далёкія, - дадаў Юрый Амбразевіч. - У глабальнай эканоміцы ўзмацняецца трэнд на фрагментацыю і рэгіяналізацыю. Будучыня свабоднага гандлю пад вялікім сумненнем. У перспектыве - вайна тарыфаў і бар'ераў. Свабоды плацяжоў больш не існуе". Намеснік міністра таксама звярнуў увагу, што нязменна павялічваюцца патокі бежанцаў і мігрантаў.-0-
"Хачу выказацца аб набалелым: аб выкліках міжнароднай бяспецы, бо давер і ўзаемадзеянне - неад'емныя складнікі бяспекі, - падкрэсліў Юрый Амбразевіч. - Здавалася б, столькі сказана пра міжнародную бяспеку. Формулы поспеху адкрыты і правільныя рэцэпты выпісаны, аднак свет яшчэ ніколі не быў такім блізкім да трэцяй сусветнай вайны. Сёння ў наяўнасці ўсе прыкметы разбурэння міжнароднай бяспекі ў яе глабальным сэнсе".
Ён таксама звярнуў увагу, што ключавыя міжнародныя дагаворы ў сферы кантролю над узбраеннямі і раззбраення ігнаруюцца. "Гонка ўзбраенняў набірае абароты, - падкрэсліў намеснік міністра. - Мы ў Беларусі адчуваем гэты націск непасрэдна на заходняй і паўночнай граніцы краіны, дзе члены НАТА размяшчаюць новыя войскі і актыўна ўзбройваюцца. Ігнараванне заходнімі краінамі інтарэсаў суседзяў і адмова ад захавання прынцыпу непадзельнасці бяспекі прывялі да палаючага на нашых паўднёвых рубяжах канфлікту паміж Расіяй і НАТА ва Украіне".
"Аднабаковыя эканамічныя абмежаванні заходніх краін супраць Беларусі, Расіі, Ірана і іншых краін уцягваюць у арбіту канфліктаў, народжаных у Еўропе і на Блізкім Усходзе, усе дзяржавы свету, нават геаграфічна далёкія, - дадаў Юрый Амбразевіч. - У глабальнай эканоміцы ўзмацняецца трэнд на фрагментацыю і рэгіяналізацыю. Будучыня свабоднага гандлю пад вялікім сумненнем. У перспектыве - вайна тарыфаў і бар'ераў. Свабоды плацяжоў больш не існуе". Намеснік міністра таксама звярнуў увагу, што нязменна павялічваюцца патокі бежанцаў і мігрантаў.-0-
Падпісвайцеся на нас у
