У брэсцкую сярэднюю школу нумар 23 імя Героя Савецкага Саюза Пятра Гаўрылава прыйшлі на работу чацвёра маладых педагогаў. Аднак маладыя спецыялісты папаўняюць працоўныя калектывы не толькі ў школах, але і ў адукацыйных установах для дашкольнікаў. Напрыклад, калектыў дзіцячага сада нумар 49 горада Брэста павялічыўся на аднаго выхавальніка. Усе маладыя педагогі могуць разлічваць на дапамогу і падтрымку больш вопытных калег. На здымку: настаўнік геаграфіі Ганна Лысковіч і настаўнік гісторыі Вікторыя Калдаева.
