У Гродзенскай вобласці прадаўжаюцца індывідуальныя віншаванні ветэранаў. 7 мая з парадам каля пад'езда і ваенным аркестрам віншаванні з Днём Перамогі прымаў ганаровы грамадзянін Гродна Рыгор Абялеўскі.
У імправізаваны пляц ператварыўся двор шматпавярховага дома на праспекце Кляцкова. Аркестр Гродзенскай пагранічнай групы выканаў маршы і папулярныя ваенныя песні, пагранічнікі прайшлі для ветэрана ўрачыстым маршам. Павіншаваць Рыгора Абялеўскага прыйшлі прадстаўнікі ўлады, грамадскіх арганізацый, моладзь. Словы ўдзячнасці ветэрану выказаў памочнік Прэзідэнта - інспектар па Гродзенскай вобласці Юрый Караеў.
На здымку: ветэран Вялікай Айчыннай вайны Рыгор Абялеўскі і кіраўнік адміністрацыі Кастрычніцкага раёна Гродна Алег Бялінскі.