Сёння адной з асноўных задач застаецца падтрымка стабільна працуючых прадпрыемстваў і пашырэнне іх інтарэсаў на знешніх рынках. Такое меркаванне 9 верасня ў час рабочай паездкі ў ААТ "Белкард" выказаў старшыня Гродзенскага аблвыканкама Уладзімір Каранік. Кіраўнік вобласці азнаёміўся з работай аднаго з вядучых вытворцаў аўтакампанентаў, правёў сустрэчу з кіраўніцтвам прадпрыемства, паразмаўляў з работнікамі ў цэхах.
На здымку: дырэктар ААТ "Белкард" Андрэй Яначкін і старшыня Гродзенскага аблвыканкама Уладзімір Каранік.
