На пазачарговай сесіі Гродзенскага абласнога Савета дэпутатаў 29-га склікання народныя выбраннікі зацвердзілі Юрыя Караева на пасадзе старшыні Гродзенскага абласнога выканаўчага камітэта. Прэзідэнт Беларусі Аляксандр Лукашэнка назначыў Юрыя Караева старшынёй Гродзенскага аблвыканкама 31 сакавіка. У ходзе сесіі Гродзенскага абласнога Савета дэпутатаў актыву рэгіёна яго новага кіраўніка прадставіў кіраўнік Адміністрацыі Прэзідэнта Рэспублікі Беларусь Дзмітрый Крутой. У рабоце сесіі прыняў удзел намеснік прэм'ер-міністра Беларусі Уладзімір Каранік, які раней кіраваў Гродзенскай вобласцю.На здымку: у час пасяджэння.
