1 жніўня на водным стадыёне Вер-Сюр-Марн прайшлі паўфінальныя заезды адзіночак у акадэмічным веславанні. Яўген Залатой выйшаў у фінал спаборніцтваў па акадэмічным веславанні. У сваім паўфінале сярод мужчынскіх адзіночак на 2000 м беларус паказаў другі рэзультат - 6:39.01 і прадоўжыць барацьбу за ўзнагароды ў галоўным заездзе. Таццяна Клімовіч не змагла прабіцца ў вырашальны заезд турніру. Заключным заездам у Парыжы для яе стане 3 жніўня фінал В, дзе будуць разыгрывацца месцы з 7-га па 12-е.На здымку: беларускі спартсмен Яўген Залатой.
