ДЗЯРЖОРГАНЫДЗЯРЖОРГАНЫ
Панядзелак, 27 студзеня 2020
Мінск Суцэльная воблачнасць 0°C
Усе навіны
Усе навіны
Меркаванні
24 красавіка 2019, 18:02
Баляслаў Пірштук

Беларусь з'яўляецца агульнапрызнанай міратворчай пляцоўкай

Баляслаў Пірштук
Баляслаў Пірштук
Намеснік старшыні Палаты прадстаўнікоў Нацыянальнага сходу Беларусі

Беларусь з'яўляецца агульнапрызнанай міратворчай пляцоўкай. Такое меркаванне выказаў журналістам намеснік старшыні Палаты прадстаўнікоў Нацыянальнага сходу Баляслаў Пірштук, каменціруючы падрыхтоўку і правядзенне 28-30 красавіка ў Мінску II Міжнароднай парламенцкай канферэнцыі Групы падтрымкі Шаўковага шляху Парламенцкай асамблеі АБСЕ, перадае карэспандэнт БЕЛТА.

"Беларусь апошнія гады пазіцыянуецца як паспяховая міратворчая пляцоўка. Заўважце, колькі сур'ёзных палітычных мерапрыемстваў прайшло ў нас у апошні час. Вядома, гэта дзякуючы ў цэлым стратэгічнай пазіцыі дзяржавы, МЗС краіны. Апошнія некалькі гадоў былі вельмі насычанымі. Генеральны сакратар АБСЕ толькі ў мінулым годзе тры візіты зрабіў у Беларусь. Ніколі такога не было раней. Мы бачым, якое стаўленне да нас на розных міжнародных форумах, у якіх удзельнічаем", - сказаў Баляслаў Пірштук.

Паводле яго слоў, усе беларускія ініцыятывы і рэзалюцыі атрымаюць падтрымку на сесіях ПА АБСЕ. "Прычым яны прымаюцца практычна аднагалосна, і ў нас ёсць поўная падтрымка як у раўнапраўнага ўдзельніка гэтай сур'ёзнай аўтарытэтнай арганізацыі. Хацелася б, каб мы, парламентарыі, таксама ўнеслі лепту ў развіццё гэтага магутнага вектара, які выбудоўваецца з нашым стратэгічным партнёрам Кітаем", - адзначыў намеснік старшыні.

Баляслаў Пірштук нагадаў, што ў гэтыя дні праходзіць візіт высокага ўзроўню беларускай дэлегацыі ў Кітай. "Трэба па крупінках збіраць усе нашы поспехі. І важна, каб была падтрымка, у тым ліку на ўзроўні парламентарызму. Лічым, што гэта вельмі добрая пляцоўка, якая ў бліжэйшыя некалькі гадоў дасць станоўчыя вынікі", - дадаў ён.

Топ-навіны
З НАМІ НАЙБОЛЬШ ЦІКАВА
Свежыя навіны Беларусі