Мабільная версія
ДЗЯРЖОРГАНЫ

Апошнія навіны
Усе навіны
Андрэй Гаеў

У Дзяржкаммаёмасці расказалі аб змяненні меж трох абласцей

Інтэрв'ю 20.03.2019 | 13:00
Андрэй Гаеў Андрэй Гаеў Старшыня Дзяржаўнага камітэта па маёмасці Рэспублікі Беларусь

У адпаведнасці з указам нумар 104 межы Брэсцкай, Гродзенскай і Мінскай абласцей будуць зменены да канца гэтага года. Аб тым, што стала падставай для прыняцця такога рашэння, аб ключавых момантах, якія трэба ведаць жыхарам гэтых рэгіёнаў, а таксама аб планах па ўдакладненні меж астатніх абласцей у інтэрв'ю карэспандэнту БЕЛТА расказаў старшыня Дзяржаўнага камітэта па маёмасці Андрэй Гаеў.

- Андрэй Анатольевіч, што было перадумовай для пачатку той карпатлівай работы, якую правялі вашы спецыялісты, і як вынік - прыняцця гэтага ўказа.

- Пачну з таго, што межы абласцей устанаўліваліся яшчэ ў 1950-я гады па існуючых тады планава-картаграфічных матэрыялах. Некалькі гадоў таму мы ўбачылі, што прыкладна 30-40 працэнтаў працягласці мяжы асобных раёнаў складана апазнаць або без спецыяльных прыбораў не апазнаць на мясцовасці. Гэта звязана з тым, што з часам некаторыя тэрыторыі зарасталі лясамі, недзе змяняліся рэчышчы рэк, з'явіліся дарогі і гэтак далей. У пачатку 2015 года мы паказалі напрацоўкі кіраўніку дзяржавы, і ён адобрыў правядзенне работ у цэлым па краіне. Тады ж усё і пачалося. Цяпер завершаны работы па трох абласцях, матэрыялы па Віцебскай, Гомельскай і Магілёўскай абласцях рыхтуюцца для афармлення меж такім жа чынам у адпаведнасці з назапашаным вопытам.

- Калі плануеце паставіць кропку ва ўсёй гэтай рабоце?

- Значны аб'ём работы ўжо выкананы. У гэтым годзе мы плануем завяршыць усё, што звязана з фарміраваннем тэхнічнай дакументацыі, каб у далейшым вырашыць арганізацыйныя пытанні: правесці апытанні, дзе гэта неабходна, грамадскія абмеркаванні, разгледзець матэрыялы на сесіях Саветаў дэпутатаў.

Улічваючы маючы адбыцца перапіс насельніцтва, у перыяд правядзення якога павінна забяспечвацца стабільнасць у абласных акругах, а таксама ў сувязі з правядзеннем электаральных кампаній завяршыць работы па ўдакладненні меж плануецца ў 2020 годзе з выхадам на завяршальны этап - падрыхтоўку ўказа.

- Ці змянілася агульная плошча абласцей, якія ўвайшлі ва ўказ нумар 104?

- Так, але размова ідзе аб неістотных змяненнях. Так, плошча Гродзенскай вобласці зменшылася ўсяго на 199 га, або на 0,01 працэнта, Брэсцкай - на 344 га (таксама 0,01 працэнта). Плошча Мінскай вобласці скарацілася на 1780 га, або на 0,04 працэнта.

- Ці ёсць населеныя пункты або іх часткі, якія пасля змянення меж будуць адносіцца да іншай вобласці?

- Такіх выпадкаў няма. Для разумення адзначу, што перад намі не стаіць задача, каб неяк пераразмеркаваць населеныя пункты або што-небудзь кардынальна змяніць. У нас ёсць адзін населены пункт (гэта вёска Карытніца Беліцкага сельсавета), які цалкам выключаны са складу меж Лідскага раёна і ўключаны ў межы Дзятлаўскага раёна Гродзенскай вобласці. Гэта абумоўлена тым, што вёска - адзіны населены пункт Лідскага раёна, размешчаны на левым беразе ракі Нёман, ад якога да Ліды 76 км, а да Дзятлава 23 км. Улічваючы геаграфічнае размяшчэнне вёскі, мэтазгодным было яе ўключэнне ў межы Дзятлаўскага раёна. Гэта дасць магчымасць, у прыватнасці, скараціць час і сродкі на сацыяльна-бытавое і медыцынскае абслугоўванне жыхароў Карытніцы службамі Дзятлаўскага раёна.

Рашэнні рыхтаваліся з улікам меркавання жыхароў, якія там пражываюць, праведзены грамадскія абмеркаванні. Самі жыхары выказаліся за тое, каб іх вёска была аднесена да Дзятлаўскага раёна.

- Які далейшы план дзеянняў? Якая работа яшчэ наперадзе па тых рэгіёнах, што прапісаны ва ўказе?

- Нам яшчэ шмат чаго давядзецца зрабіць. Напрыклад, трэба прывесці ў адпаведнасць інфармацыю аб зямельных участках, адрасах у рэгістры нерухомай маёмасці і іншых дакументах, трэба ўнесці ўсе гэтыя звесткі ў электронныя рэсурсы.

Пасля сур'ёзная адказнасць будзе ўскладзена ўжо на мясцовыя органы ўлады, якія павінны будуць забяспечваць падтрыманне меж у тым стане, у якім яны сёння вызначаны. Гэта значыць, каб яны заўсёды дакладна разумеліся і апазнаваліся.

- Што датычыцца работы дзяржорганаў па рэалізацыі ўказа, мы разабраліся, цяпер давайце пяройдзем да грамадзян. Пачнём з матэрыяльнага боку: ці трэба будзе жыхарам населеных пунктаў, якія зменяць межы, плаціць за змену дакументаў?

- Усе расходы дзяржава бярэ на сябе, таму што пераўтварэнні адбываюцца па незалежных ад фізічных і юрыдычных асоб прычынах. Усе змяненні ў дакументы рэгістраў, рэестраў, іншыя дзяржаўныя рэсурсы будуць уносіцца без удзелу праваўладальнікаў. Гэта будзе рабіцца на падставе тых даных, якія сфарміраваны ў выніку праведзенай работы. Пры гэтым для таго, каб такі працэс максімальна патанніць, знізіць расходы бюджэту, устаноўлены максімальна магчымыя паніжаючыя каэфіцыенты кошту адпаведных працэдур.

Указам прадугледжаны яшчэ адзін важны момант: нават калі змяняецца адрас рэгістрацыі грамадзян, не абавязкова адразу мяняць пашпарт, юрыдычнай асобе - іншыя значныя дакументы. Гэта можа быць зроблена, калі падыдуць тэрміны іх планавай замены. Усе яны будуць дзеючымі. Тым не менш, чалавек можа ў любы час атрымаць новую, актуальную, адзнаку ў сваіх дакументах. Згодна з указам, гэта будзе рабіцца без спагнання платы з грамадзян і арганізацый.

- А ці не прытармозіць удакладненне даных у дзяржаўных рэгістрах і рэестрах, скажам, выдачу зямельных участкаў? У такіх выпадках паўгода-год - гэта ж істотная страта часу для тых, хто плануе будаўніцтва.

- Ніякіх нязручнасцей для грамадзян або юрыдычных асоб рэалізацыя ўказа не прынясе. Нічога не зменіцца - ні прадастаўленне ўчасткаў, ні выкананне нейкіх працэдур па іх раздзяленні, зліцці, дзе гэта неабходна, ні ажыццяўленне гаспадарчай дзейнасці ў сувязі з раней выдадзенымі дазвольнымі дакументамі. І што датычыцца гэтага моманту, і ў цэлым хачу адзначыць, што ўсё ў рамках указа робіцца з улікам інтарэсаў грамадзян і юрыдычных асоб. Усе сітуацыі вывучаны і дзеянні накіраваны на тое, каб людзям зрабіць лепш.

Таццяна ЛІСАТОВІЧ

Версія для друку
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Работа ўстаноў аховы здароўя ў выхадныя і святочныя дні ў маі У час святочных мерапрыемстваў будуць дзяжурыць медыкі. Службы хуткай медыцынскай дапамогі будуць пераведзены ў рэжым павышанай гатоўнасці.