Адзіны ў краіне Музей беларускага кнігадрукавання знаходзіцца ў Полацку ў будынку-помніку архітэктуры XVIII стагоддзя - былым келейным корпусе Богаяўленскага манастыра. Адкрыты музей 8 верасня 1990 года ў час святкавання 500-годдзя з дня нараджэння першадрукара Францыска Скарыны.
Сёння ў 15 залах музея прадстаўлена каля 1400 экспанатаў.
Музей збірае і захоўвае помнікі пісьменства ад рукапісных скруткаў да сучаснай кнігі, знаёміць наведвальнікаў з гісторыяй пісьменства, пісьмовых прыстасаванняў, кніжнай ілюстрацыі.
Прадстаўлена рэканструкцыя друкарні XVII-XVIII стагоддзяў, а таксама паліграфічнае абсталяванне XX стагоддзя.
Выстаўлены лепшыя кнігі Беларусі - пераможцы конкурсу "Мастацтва кнігі".
У адной з залаў Богаяўленскага манастыра размясціўся Музей-бібліятэка Сімяона Полацкага*, адкрыты 25 сакавіка 1994 года.
У музеі каля 140 экспанатаў, сярод якіх рукапісы асобных вершаў і рукапісныя зборнікі паэтычных твораў Сімяона Полацкага.
Тут таксама захоўваюцца арыгіналы кніг "Жазло праўлення" (1753), "Тастамент" (1680), "Вячэра душэўная" (1683).
*У 2024 годзе спаўняецца 395 гадоў з дня нараджэння Сімяона Полацкага і 30 гадоў з дня адкрыцця Музея-бібліятэкі Сімяона Полацкага.
Крыніцы: Музей беларускага кнігадрукавання, Музей-бібліятэка Сімяона Полацкага.
