Звыш 8,7 млн тон збожжа намалацілі ў Беларусі 

1 верасня, Мінск /Кар. БЕЛТА/. Звыш 8,7 млн т збожжа намалацілі ў Беларусі, паведамілі БЕЛТА ў прэс-службе Міністэрства сельскай гаспадаркі. 

"Паводле аператыўных даных на 1 верасня, з палёў краіны намалочана 8 млн 735 тыс. тон збожжа разам з рапсам", - расказалі ў ведамстве. 

Уклад у агульны каравай кожнай вобласці: Віцебская - 888 тыс. т, Гомельская - 1 036 тыс. т, Магілёўская - 1 199 тыс. т, Брэсцкая - 1 672 тыс. т, Гродзенская - 1 728 тыс. т, Мінская - 2 214 тыс. т. 

Збожжавыя і зернебабовыя культуры без кукурузы ўбраны з 95 працэнтаў плошчаў, што складае 2 294 тыс. га. Сярэдняя ўраджайнасць збожжа вышэйшая за мінулагоднюю на 8,5 ц/га. 

Харчовага збожжа пастаўлена ў лік дзяржзаказу 625 тыс. т - 89 працэнтаў ад плана. 

Пасеяна азімых збожжавых на зерне на плошчы 11 тыс. га, або 1 працэнт запланаванага. 

Выцераблена лёну на 46 тыс. га, што складае 96 працэнтаў запланаваных плошчаў. 

Кукуруза на сілас і зялёны корм убрана з 3 працэнтаў плошчаў, што складае 25 тыс. га. 

Нарыхтавана сена 415 тыс. т - 58 працэнтаў плана, сенажу - 12 млн 737 тыс. т - 91 працэнт плана, у тым ліку ў палімернай упакоўцы 422 тыс. т. 

Травяных кармоў нарыхтавана 4 млн 25 тыс. т - 40 працэнтаў плана. 

Бульбы ў краіне накапана ўжо больш за 54 тыс. т. Сярэдняя ўраджайнасць вышэйшая за мінулагоднюю на 57,3 ц/га.-0-