10 сакавіка, Мінск /Кар. БЕЛТА/. Міністэрства архітэктуры і будаўніцтва Беларусі ўстанавіла пералік шматкватэрных і індывідуальных жылых дамоў (уключаючы аб'екты інжынернай і транспартнай інфраструктуры), будаўніцтва і фінансаванне якіх у 2020 годзе будзе ажыццяўляцца з выкарыстаннем ільготных крэдытных рэсурсаў. Адпаведная пастанова Мінбудархітэктуры ад 3 сакавіка 2020 года афіцыйна апублікавана сёння на Нацыянальным прававым інтэрнэт-партале, паведамляе БЕЛТА.
Дакументам зацверджаны пералік дамоў у Брэсцкай, Віцебскай, Гомельскай, Гродзенскай і Магілёўскай абласцях. Таксама ў гэтых жа абласцях зацверджаны пералік жылых дамоў (уключаючы аб'екты інжынернай і транспартнай інфраструктуры), будаўніцтва і фінансаванне якіх у бягучым годзе будзе ажыццяўляцца ў сельскагаспадарчых арганізацыях і з выкарыстаннем ільготных крэдытных рэсурсаў.
Акрамя таго, яшчэ адной пастановай Мінбудархітэктуры, якая таксама сёння афіцыйна апублікавана, устаноўлены пералік жылых дамоў, будаўніцтва якіх будзе ажыццяўляцца з выкарыстаннем ільготных крэдытаў, і па Мінскай вобласці.
У пераліках названы найменне і месца размяшчэння аб'ектаў.
Дакументы ўступаюць у сілу пасля афіцыйнага апублікавання.-0-
