Фота Мінскага аблвыканкама
23 верасня, Мінск /Кар. БЕЛТА/. Дэлегацыя Мінскай вобласці на чале са старшынёй Мінскага аблвыканкама Аляксеем Кушнарэнкам наведвае Омскую вобласць, супрацоўніцтва з якой цяпер актыўна развіваецца. Аб гэтым карэспандэнту БЕЛТА паведамілі ў прэс-службе Мінскага аблвыканкама.
Толькі за апошні час бакамі было праведзена сем сустрэч на розных узроўнях. Актыўна працуе камісія па гандлёва-эканамічным і інвестыцыйным супрацоўніцтве.
"Лепшае таму пацвярджэнне - лічбы тавараабароту. Так, за гэты год ён ужо склаў $11 млн. Гэта на 64 працэнты больш, чым у мінулым годзе. Мы, па сутнасці, ужо дасягнулі гадавога значэння 2024 года. Я хацеў бы адзначыць, што Омская вобласць актыўна нам пастаўляе прадукцыю нафтаперапрацоўкі, насенне, у тым ліку фіялетавай пшаніцы, да якой ужо ёсць інтарэс у Рэспубліцы Беларусь. Мы ў сваю чаргу - прадукты харчавання, прадукцыю дрэваапрацоўкі, розную тэхніку", - расказаў старшыня Мінскага аблвыканкама. Ён таксама адзначыў, што ў Омскай вобласці створана два мультыбрэндавыя беларускія цэнтры.
Раней быў падпісаны план мерапрыемстваў па развіцці супрацоўніцтва паміж Рэспублікай Беларусь і Омскай вобласцю на 2024-2026 гады.
Так, на базе Омскага дзяржаўнага аграрнага ўніверсітэта плануецца адкрыццё вучэбнага класа "Гомсельмаш". Прапрацоўваецца пытанне паставак малочных прадуктаў з працяглым тэрмінам прыдатнасці, сыроў, а таксама сыравіны для вытворцаў малочных прадуктаў. У сферы сельскай гаспадаркі арганізавана супрацоўніцтва па пастаўках у Омскую вобласць насення, сельгастэхнікі і лёну.
"Адзін з поспехаў - гэта фіялетавая пшаніца. Сёння відавочна, што ў Омску яна маштабна выкарыстоўваецца. Мы заходзілі ў магазіны і звярнулі ўвагу, хлеб з такой пшаніцы актыўна купляюць людзі. Таму перанялі вопыт", - расказаў старшыня камітэта па сельскай гаспадарцы і харчаванні Мінскага аблвыканкама Сяргей Прымачэнка.
З фіялетавай пшаніцай працуе ўжо Барысаўскі КХП. У гэтым годзе ідзе вывучэнне новага сорту ў цэнтральнай, паўднёвай і паўночнай зонах Мінскай вобласці.-0-
Толькі за апошні час бакамі было праведзена сем сустрэч на розных узроўнях. Актыўна працуе камісія па гандлёва-эканамічным і інвестыцыйным супрацоўніцтве.
"Лепшае таму пацвярджэнне - лічбы тавараабароту. Так, за гэты год ён ужо склаў $11 млн. Гэта на 64 працэнты больш, чым у мінулым годзе. Мы, па сутнасці, ужо дасягнулі гадавога значэння 2024 года. Я хацеў бы адзначыць, што Омская вобласць актыўна нам пастаўляе прадукцыю нафтаперапрацоўкі, насенне, у тым ліку фіялетавай пшаніцы, да якой ужо ёсць інтарэс у Рэспубліцы Беларусь. Мы ў сваю чаргу - прадукты харчавання, прадукцыю дрэваапрацоўкі, розную тэхніку", - расказаў старшыня Мінскага аблвыканкама. Ён таксама адзначыў, што ў Омскай вобласці створана два мультыбрэндавыя беларускія цэнтры.
Раней быў падпісаны план мерапрыемстваў па развіцці супрацоўніцтва паміж Рэспублікай Беларусь і Омскай вобласцю на 2024-2026 гады.
Так, на базе Омскага дзяржаўнага аграрнага ўніверсітэта плануецца адкрыццё вучэбнага класа "Гомсельмаш". Прапрацоўваецца пытанне паставак малочных прадуктаў з працяглым тэрмінам прыдатнасці, сыроў, а таксама сыравіны для вытворцаў малочных прадуктаў. У сферы сельскай гаспадаркі арганізавана супрацоўніцтва па пастаўках у Омскую вобласць насення, сельгастэхнікі і лёну.
"Адзін з поспехаў - гэта фіялетавая пшаніца. Сёння відавочна, што ў Омску яна маштабна выкарыстоўваецца. Мы заходзілі ў магазіны і звярнулі ўвагу, хлеб з такой пшаніцы актыўна купляюць людзі. Таму перанялі вопыт", - расказаў старшыня камітэта па сельскай гаспадарцы і харчаванні Мінскага аблвыканкама Сяргей Прымачэнка.
З фіялетавай пшаніцай працуе ўжо Барысаўскі КХП. У гэтым годзе ідзе вывучэнне новага сорту ў цэнтральнай, паўднёвай і паўночнай зонах Мінскай вобласці.-0-
Падпісвайцеся на нас у
