Фота з архіва
5 верасня, Мінск /Кар. БЕЛТА/. Урад актуалізаваў парадак вядзення дзяржаўнага рэестра плацельшчыкаў. Гэта прадугледжана пастановай Савета Міністраў нумар 478 ад 3 верасня 2025 года, паведамляе БЕЛТА са спасылкай на Нацыянальны прававы інтэрнэт-партал.
Плацельшчыкі падлягаюць пастаноўцы на ўлік у падатковым органе незалежна ад устаноўленых падатковым заканадаўствам абставін, з наяўнасцю якіх звязаны ўзнікненне і выкананне падатковага абавязацельства па тым ці іншым падатку, зборы (пошліне). Пры пастаноўцы на ўлік кожнаму плацельшчыку прысвойваецца адзіны па ўсіх падатках, зборах (пошлінах), у тым ліку па мытных плацяжах, уліковы нумар плацельшчыка. Парадак і ўмовы прысваення, прымянення, а таксама змяненні ўліковага нумара плацельшчыка і прызнання яго несапраўдным устанаўліваюцца Міністэрствам па падатках і зборах. Падатковыя органы ўносяць звесткі ў Дзяржаўны рэестр плацельшчыкаў (іншых абавязаных асоб). Парадак вядзення гэтага рэестра ўстанаўліваецца Саветам Міністраў.
Дзяржаўны рэестр плацельшчыкаў (іншых абавязаных асоб) уяўляе сабой дзяржаўны інфармацыйны рэсурс. Яго вядзенне накіравана на забеспячэнне адзінага дзяржуліку плацельшчыкаў, забеспячэнне адзіных прынцыпаў іх ідэнтыфікацыі, ажыццяўленне падатковага кантролю, вядзенне падатковай справаздачнасці. Уладальнікам і аператарам рэестра выступае Міністэрства па падатках і зборах.
У якасці прынцыпаў вядзення рэестра вызначаны: паўната і дакладнасць размешчаных у ім звестак, аператыўнасць іх прадастаўлення карыстальнікам, якія маюць да іх доступ; эфектыўнасць выкарыстання размешчаных у ім звестак для падатковага кантролю; сумяшчальнасць з іншымі дзяржаўнымі інфармацыйнымі рэсурсамі, а таксама інфармацыйнае ўзаемадзеянне з імі. Інфармацыя аб плацельшчыках (іншых абавязаных асобах) у рэестры, якая не складае падатковую тайну, з'яўляецца адкрытай і агульнадаступнай і размяшчаецца на афіцыйным сайце МПЗ.
Палажэннем таксама ўстаноўлена, якія звесткі аб плацельшчыках (іншых абавязаных асобах) уключаюцца ў рэестр у адносінах да юрыдычных асоб Беларусі і іх адасобленых падраздзяленняў, замежных арганізацый, у тым ліку якія не з'яўляюцца юрыдычнымі асобамі, замежнай арганізацыі, замежнага індывідуальнага прадпрымальніка, іншай асобы, якая з'яўляецца падаткаплацельшчыкам у адпаведнасці з заканадаўствам замежнай дзяржавы, што аказваюць паслугі ў электроннай форме, ажыццяўляюць электронны дыстанцыйны продаж тавараў пакупнікам Беларусі. А таксама тое, якія звесткі ўключаюцца ў адносінах да дыпламатычных прадстаўніцтваў і консульскіх устаноў замежных дзяржаў, прадстаўніцтваў і органаў міжнародных арганізацый і міждзяржаўных утварэнняў, простых таварыстваў (удзельнікаў дагавора аб сумеснай дзейнасці), даверных кіраўнікоў, фізічных асоб.
Акрамя таго, палажэннем вызначаны выпадкі, пры якіх плацельшчыкі выключаюцца з рэестра.
МПЗ вядзе рэестр праз аб'яднанне звестак, што перадаюцца інспекцыямі МПЗ па абласцях і Мінску, у адзіны банк даных.
Пастанова прынята ў адпаведнасці з Падатковым кодэксам.
Асноўныя палажэнні пастановы ўступаюць у сілу з 6 верасня 2025 года, іншыя - з 1 студзеня 2026 года.-0-
Плацельшчыкі падлягаюць пастаноўцы на ўлік у падатковым органе незалежна ад устаноўленых падатковым заканадаўствам абставін, з наяўнасцю якіх звязаны ўзнікненне і выкананне падатковага абавязацельства па тым ці іншым падатку, зборы (пошліне). Пры пастаноўцы на ўлік кожнаму плацельшчыку прысвойваецца адзіны па ўсіх падатках, зборах (пошлінах), у тым ліку па мытных плацяжах, уліковы нумар плацельшчыка. Парадак і ўмовы прысваення, прымянення, а таксама змяненні ўліковага нумара плацельшчыка і прызнання яго несапраўдным устанаўліваюцца Міністэрствам па падатках і зборах. Падатковыя органы ўносяць звесткі ў Дзяржаўны рэестр плацельшчыкаў (іншых абавязаных асоб). Парадак вядзення гэтага рэестра ўстанаўліваецца Саветам Міністраў.
Дзяржаўны рэестр плацельшчыкаў (іншых абавязаных асоб) уяўляе сабой дзяржаўны інфармацыйны рэсурс. Яго вядзенне накіравана на забеспячэнне адзінага дзяржуліку плацельшчыкаў, забеспячэнне адзіных прынцыпаў іх ідэнтыфікацыі, ажыццяўленне падатковага кантролю, вядзенне падатковай справаздачнасці. Уладальнікам і аператарам рэестра выступае Міністэрства па падатках і зборах.
У якасці прынцыпаў вядзення рэестра вызначаны: паўната і дакладнасць размешчаных у ім звестак, аператыўнасць іх прадастаўлення карыстальнікам, якія маюць да іх доступ; эфектыўнасць выкарыстання размешчаных у ім звестак для падатковага кантролю; сумяшчальнасць з іншымі дзяржаўнымі інфармацыйнымі рэсурсамі, а таксама інфармацыйнае ўзаемадзеянне з імі. Інфармацыя аб плацельшчыках (іншых абавязаных асобах) у рэестры, якая не складае падатковую тайну, з'яўляецца адкрытай і агульнадаступнай і размяшчаецца на афіцыйным сайце МПЗ.
Палажэннем таксама ўстаноўлена, якія звесткі аб плацельшчыках (іншых абавязаных асобах) уключаюцца ў рэестр у адносінах да юрыдычных асоб Беларусі і іх адасобленых падраздзяленняў, замежных арганізацый, у тым ліку якія не з'яўляюцца юрыдычнымі асобамі, замежнай арганізацыі, замежнага індывідуальнага прадпрымальніка, іншай асобы, якая з'яўляецца падаткаплацельшчыкам у адпаведнасці з заканадаўствам замежнай дзяржавы, што аказваюць паслугі ў электроннай форме, ажыццяўляюць электронны дыстанцыйны продаж тавараў пакупнікам Беларусі. А таксама тое, якія звесткі ўключаюцца ў адносінах да дыпламатычных прадстаўніцтваў і консульскіх устаноў замежных дзяржаў, прадстаўніцтваў і органаў міжнародных арганізацый і міждзяржаўных утварэнняў, простых таварыстваў (удзельнікаў дагавора аб сумеснай дзейнасці), даверных кіраўнікоў, фізічных асоб.
Акрамя таго, палажэннем вызначаны выпадкі, пры якіх плацельшчыкі выключаюцца з рэестра.
МПЗ вядзе рэестр праз аб'яднанне звестак, што перадаюцца інспекцыямі МПЗ па абласцях і Мінску, у адзіны банк даных.
Пастанова прынята ў адпаведнасці з Падатковым кодэксам.
Асноўныя палажэнні пастановы ўступаюць у сілу з 6 верасня 2025 года, іншыя - з 1 студзеня 2026 года.-0-
Падпісвайцеся на нас у
